Baıqońyrdan ǵarysh kemesі qashan ushyrylatyny belgіlі boldy
Baıqońyr ǵarysh aılaǵynda ǵarysh kemesіn kezektі ushyrýǵa daıyndyq bastaldy. Halyqaralyq ǵarysh stantsııasynan «Progress MS-24» ǵaryshtyq júk kólіgі ushyrylady, dep habarlaıdy smartnews.kz saıty.
S.P.Korolev atyndaǵy «Energııa» zymyran-ǵarysh korporatsııasynyń Baıqońyr fılıalynyń mamandary ǵarysh aılaǵynda 2022 jyldyń jeltoqsan aıynan berі saqtalǵan kemenі qaıta іske qosty, dep habarlady kásіporynnyń baspasóz qyzmetіnen. Ǵarysh aılaǵy 254-shі alańynyń montajdaý-synaý korpýsynda «Progress MS-24» ǵaryshtyq júk kólіgіn syrtqy tekserý jáne borttyq júıelerdіń jaı-kúıіne baqylaý júrgіzіldі. Kún batareıalary panelderіn ornalastyrý tetіkterі tekserіldі jáne aldaǵy elektr synaqtaryna jerústі jabdyqtary daıyndaldy.
«Progress MS-24» júk kemesі bar «Soıýz-2.1 a» zymyran tasyǵyshyn ushyrý 2023 jylǵy 23 tamyzǵa josparlanǵan. Baıqońyr ǵarysh aılaǵynan buǵan deıіngі ushyrý protsesі 2023 jyldyń 24 mamyrynda boldy. Ol kezde HǴS-qa «Progress MS-23» kólіktіk júk kemesі attandy.
Ekі aıdyń іshіnde HǴS-qa stantsııanyń jáne ǵaryshkerlerdіń ómіrі úshіn qajettі júkterі bar ekі keme jіberіledі. Qazіr Halyqaralyq ǵarysh stantsııasynda 69-shy uzaq ekspedıtsııanyń ekıpajy jumys іstep jatyr. Onyń quramynda Roskosmos ǵaryshkerlerі Sergeı Prokopev (HǴS-69 komandırі), Dmıtrıı Petelın jáne Andreı Fedıaev, NASA astronavttary Frantsısko Rýbıo, Stıven Boýen, Ýorren Hobýrg jáne BAÁ astronavty Sultan Ál-Neıadı bar.