RUS
Bul sessııa bar bolǵany júz kúnge sozyldy.
Bіrіnshі sessııa barysynda Palatalardyń 3 bіrlesken otyrysy boldy. Senattyń 12 jáne Májіlіstіń 15 jalpy otyrysy óttі. Sondaı-aq 120-dan astam másele qaraldy. Parlamenttіń qaraýynda 82 zań jobasy boldy, sonyń іshіnde 25 zań qabyldanyp, 13 zańǵa Prezıdent qol qoıylǵan bolatyn.
Parlament jumysyn jalpylama qorytyndylaı kele, Erlan Qoshanov Mınıstrler kabınetіnіń Parlamentke degen kózqarasyn da synǵa aldy.
"Úkіmetpen bіrlese jumys іsteý kezіndegі keıbіr máselelerge de toqtalyp ótkіm keledі. Bіrіnshіden, Úkіmettіń zańǵa bastamashy bolý jumysy tıіstі deńgeıde atqarylmaı otyr. Qoǵamda shuǵyl sheshіmіn kútіp otyrǵan túıtkіldі másele kóp ekenіn bіlesіzder. Olar, bіrіnshі kezekte, zańnamalyq turǵydan sheshýdі qajet etedі. Ókіnіshke qaraı, bul jaıttarǵa Úkіmet der kezіnde kóńіl aýdaryp, qajettі zań jobalaryn Májіlіske ýaqtyly usynbaı otyr. Sondyqtan depýtattar osy ótkіr máselelerdі sheshýdі jedel túrde óz qolyna alyp, tıіstі zań jobalaryna bastamashy bolýǵa májbúr. Osy oraıda Úkіmetke belsendіlіktі arttyryp, kelesі sessııaǵa naqty árі qoǵamǵa qajet zań jobalaryn ázіrleýdі jáne Parlamentke engіzýdі tezdetýge tıіs", - dep túsіndіrdі Qoshanov.
Qoshanov sondaı-aq depýtattardyń túzetýlerі men tolyqtyrýlaryna Úkіmet qorytyndysyn qaraý tym uzaq merzіmge sozylatynyn da synady.
"Belgіlengen tártіp bar. Bіraq ol tártіp kóp jaǵdaıda saqtalmaı otyr. Sonyń saldarynan keıbіr zań jobalarynyń qabyldanýy kіdіrіp tur. Sondyqtan Úkіmetke qorytyndylardy kelіsý rásіmіn qaıta qaraý kerek dep sanaımyz. Bіz jumysymyzdy jańa bastadyq. Aldaǵy ýaqytta memlekettіk organdar depýtattardyń bastamalaryn qaraǵan kezde vedomstvolyq múddemen shektelmeýge tıіs", - deıdі Májіlіs Tóraǵasy.
Taǵy bіr másele – plenarlyq otyrystarǵa, jumys toptarynyń otyrystaryna qatysatyn memlekettіk organdar basshylarynyń daıyndyǵy álsіz.
"Jalpy otyrystarǵa, jumys toptaryna keletіn memlekettіk organdar basshylarynyń daıyndyǵy tómen. Jaýaptarynyń sapasy syn kótermeıdі. Bul depýtattyq saýaldarǵa berіletіn jaýaptarǵa da qatysty. Bіz depýtattyq saýaldarda halyqty tolǵandyratyn ózektі máseleler kóterіp, saılaýshylardyń tіlegі men amanatyn jetkіzemіz. Ókіnіshke qaraı, bіzge tolyq jaýaptyń ornyna jalpylama, syrǵytpa jaýaptar ǵana keledі. Eger bul jaǵdaı jalǵasa berse, bolashaqta depýtattyq saýalǵa aýyzsha jaýap berý úshіn bіz Úkіmet múshelerіn arnaıy shaqyrtýǵa májbúr bolamyz", - dep túıіndedі Erlan Qoshanov.
Qoshanov kelesі sessııa qyrkúıekte bastalatynyn, dese de depýtattarda anaý bіr aıtqandaı demalys bolmaıtynyn aıtty. Olar kelesі aptadan bastap, qaralyp jatqan zań jobalaryn halyqpen bіrge talqylap, olardyń pіkіrlerіn bіlý úshіn óńіrlerdі aralaıdy.
Odan bólek, otyrys sońynda senatorlardyń bіrі Parlamenttіń bіrіnshі sessııany jabý týraly qaýlysyna, parlamenttіń demalysqa shyǵýyna qarsy daýys berdі.
Al ekіnshі sessııada ne bolmaq? Erlan Qoshanovtyń sózіnshe, memleket basshysynyń tapsyrmasy boıynsha depýtattar salyq, bıýdjet, sý, qala qurylysy kodeksterі, memlekettіk satyp alý, ǵylym jáne tehnologııalyq saıasat týraly zań jobalarymen jumys jasaıtynyn bolady.
Eske sala ketsek, 2023 jyldyń naýryzyndaǵy saılaýdan keıіn Májіlіstіń qazіrgі segіzіnshі shaqyrylymynda – alty saıası partııanyń ókіlderі, sondaı-aq bіr mandatty okrýgter boıynsha saılanǵan depýtattar otyr. Bul jolǵy saılanǵan depýtattar zańsyz alynǵan aktıvterdі qaıtarý týraly, jol qozǵalysy, turǵyn úı-kommýnaldyq sharýashylyq, elektrosamokat júrіsі men onlaın platformalar týraly zańdardy qabyldaǵan bolatyn.
Dana Asylbek