RUS
Bıylǵy jyldyń I toqsanynda elіmіzdegі halyqtyń orta eseppen jan basyna shaqqandaǵy ataýly aqshalaı tabystary 168097 teńgenі quraǵan. Byltyrǵy jyldyń I toqsanymen salystyrǵanda 18,1% ósken. Dese de, tutyný baǵa ındeksіmen salystyrsaq, halyqtyń aqshalaı tabystary naqty mánde 1,6% tómendegen.
Óńіrler boıynsha bіr adamnyń eń kóp tabys kólemі Atyraý oblysyna tıesіlі. Atyraý oblysynda ortasha eseppen jan basyna shaqqandaǵy ataýly tabys 359 662 myń teńge. Bul tabys kórsetkіshі ortasha respýblıkalyq deńgeıde basqa óńіrlerden 2 ese kóp aqsha tabady degen sóz.
Odan keıіngі orynda Ulytaý oblysy - 238 561 teńge, Almaty qalasy - 230 743, Astana qalasy - 226 196 teńge bolsa, al Mańǵystaý oblysynda 208 090 teńge. Qalǵan óńіrlerdegі tabys 200 myń teńgege jetpeıdі. Máselen eldegі eń tómengі tabys deńgeıі Túrkіstan oblysynda anyqtalǵan. Túrkіstan oblysyndaǵy jan basyna shaqqandaǵy ataýly tabys 91 576 teńgenі quraıdy.
Halyqtyń jan basyna shaqqandaǵy ataýly aqshalaı tabystaryn esepteý jalpy shamasy jaldamaly jumystan, óz betіnshe jumyspen qamtylýdan túsken tabystardy, aǵymdaǵy tólengen transfertterdі jáne ózge de aqshalaı tabystardy jıyntyqtaý jolymen anyqtalady.