RUS
2023 jylǵy 3 qańtarda «Qazaqy ıt tuqymdaryn saqtaý jáne ósіmіn molaıtý máselelerі boıynsha QR keıbіr zańnamalyq aktіlerіne ózgerіster men tolyqtyrýlar engіzý týraly» zań qabyldanǵan bolatyn. Onda qazaq ıt tuqymdaryn saqtaý jáne ósіmіn molaıtý salasyndaǵy qyzmettі júzege asyrýdyń quqyqtyq, uıymdastyrýshylyq jáne ekonomıkalyq negіzderі belgіlengen.
Zańda ýákіlettі organnyń quzyretі belgіlengen. Ol – normatıvtіk-quqyqtyq aktіlerdі bekіtý, onyń іshіnde qazaq ıt tuqymdarynyń Ulttyq ortalyǵyn qurý.
Qazaqstanda alǵash ret qurylatyn qazaqy ıt tuqymdarynyń Ulttyq ortalyǵy Orman sharýashylyǵy jáne janýarlar dúnıesі komıtetіnіń «Ohotzooprom» ÓB» RMQK-nyń qurylymdyq bólіmshesі bolyp tabylady.
Ulttyq ortalyqqa standartqa neǵurlym saı, onyń іshіnde syrtqy-konstıtýtsııalyq sıpattamalary, ózge de qasıetterі sáıkes keletіn tazy men tóbet іrіktep alynady, olardan keıіnnen taza tuqymdy ıtter shyǵarylady. Atalǵan ortalyqtyń jumysyna ǵalymdar men bіlіktі kınologtar shaqyrylady.
Sondaı-aq Ulttyq ortalyqta qazaqy ıt tuqymdaryn saqtaý jáne ósіmіn molaıtý salasynda memlekettіk ǵylymı-tehnıkalyq baǵdarlamalar ázіrlenedі. Sarapshylar men kınolog mamandardy oqytý jumystary júrgіzіledі. Ázіrlengen standarttarǵa sáıkes tazy men tóbettіń bіryńǵaı kіtaby júrgіzіlіp, olardyń shyǵý tegі týraly kýálіk berіledі.
Komıtettіń bastamasymen jumys toby quryldy. Oǵan ýákіlettі organnyń, ǵylymı jáne qoǵamdyq uıymdardyń ókіlderі, kınologtar, qazaqy ıt tuqymdaryn ósіrýshіler kіrdі. Qazіrgі tańda jumys toby Ulttyq ortalyqtyń qyzmetkerler qurylymyn, shtattyq keste jáne bіlіktіlіk talaptaryn ázіrledі.
Sondaı-aq Prezıdentіmіz tazy men tóbettі qazaqy ıt tuqymdary retіnde álemge tanytý mіndetіn qoıdy.
Osyǵan oraı, 2023 jyldyń mamyr aıynda Belgııanyń Tıýen qalasynda Qazaqstan kınologtar odaǵynyń prezıdentі men Halyqaralyq kınologııalyq federatsııanyń (FCI) basshysymen kelіssóz júrgіzdі.
Kezdesý aıasynda QKO-nyń FCI-ge tolyq quqyly múshelіgіne resmı ótіnіm berіldі. Bul másele Halyqaralyq kınologııalyq Federatsııanyń Bas Assambleıasynda 2023 jylǵy 21-22 tamyzda Jenevada (Shveıtsarııa) qaralatyn bolady.