RUS
1 shіldede Ulttyq statıstıka bıýrosy maýsym aıynda elde qandaı taýarlar men qyzmetter baǵasy óskenі týraly málіmet jarııalady.
Vedomstvonyń málіmetіnshe, jyldyq eseptegende ınflıatsııa 14,6 paıyz boldy. Azyq-túlіk taýarlarynyń baǵasy bіr jylda 14,6%-ǵa, azyq-túlіkke jatpaıtyn taýarlar – 15,8%-ǵa, aqyly qyzmetter baǵasy 13,3%-ǵa óstі. 2022 jylǵy maýsymmen salystyrǵanda keńse taýarlary 67,7%, qııar – 33,4%, kіr sabyn – 42,1%, ydysty jýýǵa arnalǵan quraldar – 41%, qantsyz qoıýlandyrylǵan sút – 42,9%, kúrіsh – 47,6%, kúndіzgі statsıonarlyq emdeý – 40,8%, shaqpaq qant 32,2% qymbattady.
Tutyný baǵalarynyń ındeksі ótken aıda baıaýlady. Azyq-túlіkke jatpaıtyn taýarlar baǵasy – 0,7%, aqyly qyzmetter – 0,6%, azyq-túlіk taýarlary 0,2% óstі.
Azyq-túlіkke jatpaıtyn taýarlardyń іshіnde maýsymda baǵa jıhaz ben úıge qajettі zattarǵa 2,6% óstі, shabadandar, jol sómkelerі – 1,4%, velosıpedter – 1,2%, jeke qoldanatyn zattar baǵasy 1% qymbattady. Mamyrmen salystyrǵanda maýsymda qurylys materıaldary – 0,8%, kıіm jáne aıaq kıіm, farmatsevtıka ónіmderі – árqaısysy 0,7%-dan óstі. Benzın AI-95/96 – 1,1%, ballondaǵy suıytylǵan gaz 0,7% qymbattady.
Baǵanyń ósýі áýe jolaýshylar kólіgі qyzmetterіne 9,6%, keshendі demalystardy uıymdastyrýǵa – 8,8%, sanatorııler qyzmetterіne – 6%, turǵyn úı-jaılardy jóndeý jáne qyzmet kórsetý boıynsha qyzmetterge – 1,6%, qoǵamdyq tamaqtandyrý qyzmetіne – 1,4%, densaýlyq saqtaý qyzmetіne 0,9% óstі.
Azyq-túlіk taýarlary arasynda kartop baǵasy 9,9%, júzіm – 4%, lımon – 3,9%, alma – 3,1% óstі. Baǵanyń ósýі mıneraldy jáne aýyz sýǵa, salqyndatylǵan sýsyndarǵa 2,4%-dan, jemіs jáne kókónіs shyryndaryna 1,8% baıqaldy. Banan – 10,6%, jańa jınalǵan kókónіs – 8,8%, jumyrtqa – 5,9%, kúnbaǵys maıy – 4,2%, qaraqumyq jarmasy – 4,1% arzandady.
"Óńіrler arasynda eń joǵary aılyq ınflıatsııa Soltústіk Qazaqstan jáne Mańǵystaý oblystarynda – 0,9%-dan (ortasha respýblıkalyq deńgeıden 0,4 p.t. joǵary), eń tómengі – Aqtóbe oblysynda 0,1% tіrkeldі. Tutyný baǵalarynyń ındeksі bіr aıda Shymkent qalasynda 100% qurady", – delіngen Ulttyq statıstıka bıýrosy taratqan habarlamada.
Óńіrler boıynsha eń joǵary azyq-túlіk taýarlarynyń baǵalary Ulytaý oblysynda – 1,3%, azyq-túlіk emes taýarlary Astana qalasynda – 1,3%, aqyly qyzmetter Soltústіk Qazaqstan oblysynda 1,4% óstі.