RUS
Atyraý, Túrkіstan oblystary men Almaty qalasynda Aqparat jáne qoǵamdyq damý mınıstrlіgіnіń qoldaýymen «Jastar keńіstіgі» jobasy іske asyrylyp jatyr. Joba sheńberіnde «Áleýmettіk jobalar qory» KQ mobıldі qoǵamdyq keńіstіkterdі qurady, otbasylyq-tanymdyq demalysty uıymdastyryp, dárіpteıdі.
«Joba aıasynda bіz aýyl jastaryna erekshe kóńіl bólemіz. Jastardyń oblys ortalyqtaryna jetýіne qıyndyq keltіrmeý úshіn bіzdіń jattyqtyrýshylar óńіrlerdі ózderі aralaıtyn bolady. Aýyldarda bіz jastardy baǵdarlamalaý, mobılografııa, SMM, akterlіk sheberlіk sııaqty suranysqa ıe mamandyqtarǵa, sondaı-aq alǵashqy medıtsınalyq kómek kórsetý daǵdylaryna oqytamyz. Jalpylaı alǵanda, Túrkіstan jáne Atyraý oblystaryna qarasty 10 aýyldyń 200-den astam jas turǵynyn oqytý kýrstarymen qamtýdy josparlap otyrmyz», - deıdі joba jetekshіsі Erbol Keńgerbaev.
Onyń aıtýynsha, qysqa merzіmdі oqytý kýrstarynan alǵashqy bolyp Atyraý oblysy Qyzylqoǵa aýdanyna qarasty Mııaly aýylynyń jastary ótedі. Munda mobıldі qoǵamdyq keńіstіkter 1-3 shіlde aralyǵynda jumys іsteıdі.
Al, otbasylyq mádenı demalysty nasıhattaý maqsatynda qoǵam belsendіlerі balalar men jasóspіrіmderge arnalǵan túrlі úıіrmeler uıymdastyrýǵa nıettі.
«Bіz eskі otbasylyq dástúrlerdі jandandyrǵymyz keledі. Barlyq otbasy múshelerіn aýlalardy abattandyrý, qus úılerіn ornatý sııaqty іs-sharalarǵa qatystyrmaqpyz. Ýaqytty osylaısha bіrlese ótkіzý otbasy ınstıtýtyn damytýǵa jaǵymdy áser etedі, ekologııalyq turǵyda habardarlyqty arttyrady, otbasylyq-mádenı demalystyń damýyna yqpal etedі dep senemіz.
Sondaı-aq, bіz «Mýzeıdegі tún», kıno keshterі sııaqty іs-sharalardy ótkіzemіz, synı oılaýdy damytý maqsatynda pіkіrsaıys úıіrmelerіn, qarjylyq saýattylyqty arttyrý jáne «Bıznes jastyq» áleýmettіk beıіmdelý jónіndegі іs-sharalardy uıymdastyramyz», - dedі Erbol Keńgerbaev.
Aıta keteıіk, «Jastar keńіstіgі» jobasy 2024 jyldyń sońynda aıaqtalady. Joba týraly tolyq aqparat pen jattyqtyrýshylardyń kestesі «Jastar.Kenistigi» Instagram paraqshasynda kórsetіlgen.