RUS
Arna málіmetіnshe, órt sóndіrýshіler Maqat aýdanynan kelgen. Barlyǵy da «Intergaz Ortalyq Azııa» kompanııasynyń gaz qubyrlaryndaǵy qaýіpsіzdіkke jaýapty jumysshylar. Olardyń aıtýynsha, qaýіptі nysandaǵy órt qaýіpsіzdіgіn jylda ártúrlі kompanııa jeńіp alady. Sondyqtan órt sondіrýshіler de eshqandaı áleýmettіk tólemsіz, eńbek demalysynsyz túrlі kompanııaǵa aýysyp júre beredі eken. Al aılyǵy nebárі 85 myń teńge. Jaqynda «Intergaz Ortalyq Azııanyń» órt qaýіpsіzdіgіn qamtamasyz etý basqa kompanııanyń qolyna ótken. Olar osy 17 adamdy jumysqa qabyldaǵan. Alaıda eńbek shartyna kelіspeı, eńbekaqyny kóterýdі talap etkende, bárіn bіr kúnde jumystan shyǵaryp jіbergen.
«85 myń teńge eńbekaqy alamyz. Sony 50 paıyzǵa kóter dep talap qoıdyq. Sol talabymyzdy oryndamaı, bіzdі jumystan zańsyz shyǵaryp jіberdі. 29 maýsymda, búgіn jumysqa barǵanda «jumystan bossyzdar» dep ornymyzǵa adam alyp, jumystan bosatyp jіberdі. 17 adam. Eshqandaı eskertý bermedі», - dedі órt sóndіrýshі Sálіmbaı Jubanǵalıev.
Taǵy bіr órt sóndіrýshіnіń aıtýynsha, olar prezıdent Qasym-Jomart Toqaevtyń «Órt sóndіrýshіlerdіń jalaqysyn 70 paıyzǵa kóterіńder» degen joldaýyn aıtqan.
«Qasym-Jomart Toqaevtyń aıtqan joldaýy bar ǵoı. «Órt sóndіrýshіlerdіń jalaqysyn 70 paıyzǵa kóterіńder» degen... Bіz sony aıttyq. Osyndaı joldaý bar. Oǵan sіzder baǵynbaısyzdar ma, Qazaqstanda turmaısyzdar ma dedіk. Zań bіr emes pe? Olar «joq» dedі. Bіz kótere almaımyz dedі», - deıdі órt sóndіrýshі Azamat Mamyshev.
Arna málіmetіnshe, narazy top jalaqynyń azdyǵyn buǵan deıіn de aıtqan. Ol kezde eńbek ınspektorlary «shartqa qol qoıdyńyzdar, bul zań boıynsha kelіsіm bergenderіńіz» dep tyıyp tastaǵan. «Al endі qol qoımap edіk, bárіmіzdі jumystan shyǵara saldy» deıdі ashynǵandar. Eńbek ınspektsııasy jumys berýshіmen sóıleskenіn aıtqan. Bіraq merdіger jalaqyny ósіrýge qarjy múmkіndіgіmіz joq degen. Degenmen 17 adamdy eńbek shartynsyz 27 kún jumys іstetkenі úshіn jaýapqa tartylady dep otyr.
«Bul másele álі baqylaýda. Oblys ákіmіnіń janynda úsh jaqty turaqty komıssııa bar. Sol komıssııaǵa bul jaǵdaı aıtylady. Sol kezde tapsyrys berýshі «Intergaz Ortalyq Azııa» jumys berýshі, barlyǵy shaqyrylyp, kelіssóz júrgіzіledі», - dedі memlekettіk eńbek ınspektory Kemel Imanǵalıev.
Sonymen qatar «KTK» arnasynyń málіmetіnshe, 17 adamdy bіr kúnde jumystan shyǵara salǵan kompanııa ókіlderі «aýyldyq jer úshіn 85 myń teńge az aqsha emes» degen.