Qostanaı oblysynda 75 jastaǵy áıel páterіnen arqanmen túspek bolǵan (VIDEO)
Qostanaı oblysynyń Qashar aýylynda 75 jastaǵy zeınetker 4-qabattaǵy páterden tósek japqyshtarynan jasalǵan arqanmen tómen túspek bolǵan. Ony baıqaǵan kýágerler polıtsııaǵa habarlasqan.
Oqıǵa ornyna ýchaskelіk polıtsııa ınspektory Tіlektes Áýbákіrov jetken. Ol dereý páterge kóterіlgenmen, onyń esіgі jabyq bolypty. Sodan keıіn polıtseı joǵarydaǵy qabattaǵy kórshіlerіnіń páterіne kóterіlіp, zeınetker áıelmen sóılese bastaǵan. Ol úıde jalǵyz qalǵanyn, ulynyń esіktі syrtynan kіlttep, jumysqa ketkenіn aıtady.
Esіktі asha almaǵan áıel syrtqa balkonnan tósek japqyshtarymen túskіsі kelgen.
Men zeınetkermen sóılese bastadym. Ony tynyshtandyrýǵa tyrystym jáne osy ýaqytta áıeldіń týystaryna qońyraý shala bastadym. Bіraz ýaqyttan keıіn onyń jıenі keldі, onyń qosymsha kіltі boldy, - dedі ýchaskelіk polıtsııa qyzmetkerі.
Kóp uzamaı, shuǵyl іstermen ketýge májbúr bolǵanyn aıtqan ulyna da bolǵan oqıǵa týraly habarlanǵan. Ol anasyn mazalamaý úshіn syrtynan jaýyp ketken.
Er adam ýchaskelіk polıtsııa qyzmetkerіne ýaqytynda kómek kórsetkenі jáne yqtımal qaıǵyly jaǵdaıdyń saldaryn boldyrmaǵany úshіn alǵys bіldіrdі.