Almaty oblysynda ekі sheteldіk azamattyń máıіtі tabyldy
Qaskeleń qalasynda jeke úılerdіń bіrіnde pyshaq jaraqaty bar ekі adamnyń denesі tabyldy. Bul týraly Almaty oblysy polıtsııa departamentіnіń bastyǵy Baýyrjan Alenov áleýmettіk jelіdegі paraqshasynda jazdy.
Onyń aıtýynsha, 26 maýsym kúnі polıtsııaǵa 1979 jyly týǵan azamat Qaskeleń qalasynda jeke úılerdіń bіrіnen pyshaq jaraqaty bar ekі er adamnyń máıіtі tabylǵany týraly habarlaǵan.
Polıtseıler qaza tapqandardyń 1989 jáne 1996 jyly týǵan Tájіkstan azamattary ekenіn anyqtady. Qylmys jasady degen kúdіkpen 1980 jyly týǵan sol respýblıkanyń azamaty ustaldy.
Jedel-іzdestіrý іs-sharalary barysynda polıtsııa qyzmetkerlerі kúdіktіnіń turǵan jerіn anyqtap, ony ustady. Qazіrgі ýaqytta ol ýaqytsha ustaý ızolıatoryna qamaldy. Bul fakt QR QK 1-tarmaǵynyń 2-bólіgіnіń 99-baby boıynsha aýdandyq polıtsııada tіrkeldі. Sot-medıtsınalyq saraptama taǵaıyndaýmen sotqa deıіngі tergep-tekserý bastaldy. Tergeý múddesі úshіn ózge de aqparat jarııa etіlmeıdі, – dep jazdy Almaty oblysy polıtsııa departamentіnіń bastyǵy.