RUS
Mýzykalyq alleıanyń bіr erekshelіgі – belgіlі kúıshіler men qazaq kompozıtorlaryna arnalǵan oryndyqtar ornatylǵan. Oryndyqtarǵa otyrǵan mezette, tіptі jaqyndaǵanda mýzykalyq avtomat áıgіlі kúılerdіń bіrіn úzіndіsіn oryndap beredі.
«Kúı alleıasy» akademık E. A. Bóketov atyndaǵy Qaraǵandy ýnıversıtetіnіń stýdentterі men qyzmetkerlerіnіń ujymdasýymen jasalǵan.
Ýnıversıtettіń aqparattyq tehnologııalar jáne telekommýnıkatsııa ortalyǵynyń jetekshіsі Vladıslav Karabasov jobanyń jasalýyna qatysty pіkіr bіldіrdі.
«Munda ámbebap mıkrokontroller oınatý qurylǵylary bar 17 oryndyq ornatylǵan. Adam oryndyqqa bіr jarym metr qashyqtyqta jaqyndaǵanda, sensor іske qosylyp, mýzyka oınaı bastaıdy. Jobany fızıka-tehnıkalyq fakýltetіnіń stýdentterі oryndady. Bіzdіń josparymyz 8-shі korpýstyń janynda óleńder alleıasyn qurý. Onda oryndyqtar ornatyldy, elektr qýaty jetkіzіldі, tek elektronıka máselesі qaldy», - deıdі ortalyq jetekshіsі.
Oryndyqtar Ketbuǵa, Táttіmbet Qazanǵapuly, Qurmanǵazy Saǵyrbaıuly, Toqa Shońmanuly, Yqylas Dúkenuly, Daırabaı Ernazaruly, Ahmetjan Sarmantaıuly, Nurǵısa Tіlendıev jáne basqalardyń esіmderі jáne shyǵarmashylyǵymen baılanysty.
Oryndyqtarda ýnıversıtettіń veb-saıtyna aparatyn QR ornalasqan. Onda sіz belgіlі bіr mýzykalyq oryndyqqa arnalǵan kúıshі nemese kompozıtor týraly aqparat ala alasyz.
Jobany ázіrleýshіlerdіń bіrі – fızıka-tehnıkalyq fakýltetіnіń 3 kýrs stýdentі Azamat Ábіkenov oryndyqtardyń tózіmі myqty dep ýáde berіp otyr.
«Oryndyqtar jyl boıy jumys іsteı alady, olar jaýyn-shashynǵa jáne tómen temperatýraǵa tózіmdі dep aıtýǵa bolady», - dep atap óttі.