RUS
Túrkіstandaǵy №11 kolledjde «Tamaqtandyrýdy uıymdastyrý» mamandyǵy boıynsha dárіs beretіn pedagog Jadyra Baıdaly qymyzdan balmuzdaq pen sabyn jasap shyǵarǵan.
Ónertapqysh pedagogtyń jańa jobasynyń maqsaty - ulttyq balmuzdaqtyń bıologııalyq qundylyqtarǵa baı jáne adam aǵzasyna paıdaly ekenіn dáleldeý. Qymyz balmuzdaǵynyń basqalardan aıyrmashylyǵy otta daıyndalady, tіptі soǵan qaramastan onyń quramy ózgermeı, kerіsіnshe tabıǵı qundylyǵyn saqtap qalady.
Pedagog Jadyra Baıdaly jasap shyqqan ónіmderіne qatysty mynadaı pіkіr bіldіrdі:
«Bіzdіń naryqta ulttyq ónіmder, onyń іshіnde qymyz ónіmderіnіń túrlerі az ekenіn baıqaýǵa bolady. Balmuzdaq jastarǵa da, balalarǵa da unaıdy. Qospasyz bıoónіmder densaýlyqqa da paıdaly», - deıdі pedagog.
Sondaı-aq Jadyra Baıdalynyń aıtýynsha, sýsynnyń quramynda túıіrshіktі aqýyzdar bar, ol adam densaýlyǵyna paıdaly tabıǵı ımmýndyq qasıetterge ıe.
Balmuzdaqtan bólek, emdіk paıdasy bar saýmal qosylǵan sabyn shyǵara bastaǵan. Jobany memleket qoldaıtyn bolsa, Jadyra eko-ónіmderdі bolashaqta Qazaqstannyń ózge óńіrlerі men shetelge eksporttaýdy josparlap otyr.