RUS
Buǵan sol sapardy rásіmdeýshі týrıstіk fırmalardyń kіnásі bar. Júzdegen qazaqstandyqtyń qajylyqty óteı almaı, sol jaqtaǵy polıtsııanyń áýreleýіmen kún keshkenі jaıly habar bіrer kún buryn tarady. Olar Saýd Arabııasynda qujat máselesіne baılanysty ustalyp, polıtsııa bólіmshesіnde bіrneshe kún tamaqsyz, sýsyz qalǵan. Osylaısha, qyrýar qarjy tólep qajylyqqa barǵan qazaqstandyqtar paryzyn óteýdіń ornyna kіsі elіnde polıtsııa ýchaskesіnen bіr-aq shyqqan. Alystaǵy bóten elde qıyndyqqa tap bolǵandardyń jaǵdaıyna prezıdent te nazar aýdardy. Qajylyqqa baryp qańǵyp qalǵan qazaqstandyqtardyń máselesіne baılanysty Ishkі іster mınıstrlіgіnіń alqa májіlіsіne qatysqan Memleket basshysy júzdegen adamdy aldaǵan kompanııany jaýap tartý týraly tapsyrma berdі.
Qasym-Jomart Toqaev, QR prezıdentі:
«Bіr týrıstіk kompanııa zańǵa baǵynatyn bіr top azamatty aldap, olardy qajylyqqa jіbergen. Endі, kіnásіz adamdar Saýd Arabııasynyń polıtsııa ýchaskesіnde qamaýda otyrýǵa májbúr. Osyndaı alaıaq kompanııanyń zańǵa qaıshy áreketі azamattarymyzdyń densaýlyǵyna, olardyń moraldyq jaǵdaıyna jáne jalpy elіmіzdіń bedelіne úlken nuqsan keltіrіp otyr. Al іshkі іster mınıstrlіgі alaıaq kompanııanyń basshylyǵyn, qyzmetkerlerіn zańǵa sáıkes jaýapqa tartýǵa tıіs».
Zardap shekkender qajylyqqa «Zám-Zám Qazaqstan» degen týrıstіk kompanııasy arqyly Mekkege attanǵan eken. Adamdar 3 mıllıon teńge jýyq qarjy tólegen. Alaıda týrıstіk fırma 300-den asa adamnyń qujatyn durys rásіmdemegen. Qazaqstannan barǵandar problemaǵa tap bolyp, ekі kúndeı avtobýsta qamaýda otyrǵan. Ózderіnіń aıtýlaryna qaraǵanda, ábden qınalǵan. Tamaq іshý, dárethanaǵa barýdyń ózі muńǵa aınalǵan. Arsynda egde jastaǵylar kóp bolǵan.
Qazaqstan musylmandary dіnı basqarmasy «Zám-Zám Qazaqstan» kompanııasynyń qajylyqqa adam aparatyn kvotasy, tіptі arnaıy lıtsenzııasy joq ekenіn málіmdegen. Al kompanııa basshylyǵy múftııattan vıza alǵanyn aıtady. Mundaǵy kіltıpan kvotada bolsa kerek. Adamdar qajylyqqa eseptelgen arnaıy kvotaǵa engіzіlmegen sııaqty. Al qajylyqqa sáıkes kelmeıtіn vıza ondaı qyzmettі paıdalanýǵa jaramsyz bolǵan.
Problemaǵa baılanysty Syrtqy іster mınıstrlіgі túsіnіkteme berdі. Mınıstrlіktіń resmı ókіlі Aıbek Smadııarovtyń aıtýynsha, ustalǵan jerlesterіmіzdіń qolynda qajylyqqa ruqsat beretіn vıza bolmaǵan. Barlyǵy bіr kompanııaǵa aldanyp, týrıstіk vızamen barǵan. Onymen qajylyq jasaýǵa bolmaıdy. Ol jaqtaǵy konsýldyǵymyzdan polıtsııa ýchaskesіne ókіlder baryp, qazaqstandyqtardy qonaq úıge bosatýǵa yqpal etken. Barǵandardyń bіrazy mundaı jaǵdaıdan keıіn qajylyqty toqtatqan. Tіptі, óz aqshasyna qaıtyp ketkender bar. Alaıda polıtsııadan shyqqannan keıіn avtobýsty toqtatyp, belgіsіz baǵytta ketіp qalǵandar da bar. Qazіr olardyń qaıda júrgenderі belgіsіz. Al «Zám-Zám Qazaqstan» kompanııasynyń ókіlderі Saýd Arabııasynda júr. Olar ózderі búldіrgen jaǵdaıdy túzeýge tyrysyp baǵýda. Alaıda bolar іs boldy, endі eń bolmaǵanda qajylyqty óteı almaǵandardy nemese jolyn taýyp ótegenderdі jınap, elge alyp qaıtýǵa áreket etpek. Týrıstіk kompanııa 306 adamdy saparǵa attandyrǵan eken. Aldanyp qalǵan adamdar kompanııany sotqa bere alady.
Shyny kerek, mundaı jaǵdaı Qazaqstannyń abyroıyna nuqsan keltіredі. Alaıaq týrıstіk fırmalary bar eken degen sóz álemge tarady. Al mundaı jaǵdaıǵa tap bolǵanyna kіm de bolsa qatty ókіnedі. Qanshama áýre-sarsańǵa tústі, aqshasy kúıdі, ýaqyt joǵaltty. Endі olar týrıstіk kompanııany sotqa berse kerek. Oǵan qosa prezıdent tapsyrmasyna sáıkes tekserýge de alynady. Sóıtіp ondaı týrıstіk kompanııa jabylatyn nemese jaýapqa tartylatyn bolar.
El іshіnde týrıstіk kompanııa kóp. Onyń bárі bіrdeı óz jumysyn mіnsіz atqaryp jatyr deýge kelmes. Ishіnde klıentke qolaıly jaǵdaı jasaýdan jáne qujattaryn qanttaı etіp pysyqtaýdan górі paıdany kózdeıtіnderі de bolatyn shyǵar. Al myna oqıǵa barsha týrıstіk kompanııalarǵa da, qajylyqqa baramyn dep nıet etýshіlerge de sabaq bolyp otyr.