RUS
Abaı oblysy Tótenshe jaǵdaılar departamentі baspasóz qyzmetіnіń málіmetіne súıensek, 3 shіlde kúnі túskі ýaqytta «112» pýltіne qalalyq Polıtsııa basqarmasynyń kezekshіsі er adamnyń kópіrdіń aspaly qurylymyna shyǵyp alǵanyn habarlady. Oqıǵa ornyna departament psıhology men qutqarýshylar dereý kelіp jettі.
Qutqarýshylar kelgennen keıіn 2001 jyly týǵan er adamnyń mas kúıde kópіrdіń aspaly qurylymyna shyqqanyn kórdі. Ol tómen túsýge kóndіrgen TJD qyzmetkerlerіne jaýap bermedі.
«Qutqarýshylar alpınıstіk jabdyqtyń kómegіmen aspaly kópіrdіń tіregіne kóterіlіp, er adamǵa jetіp, ony qaýіpsіz jerge túsіrdі. Osy ýaqytta azamatty psıholog áńgіmege tartyp, psıhologııalyq kómek kórsettі. Qutqarý operatsııasy kezіnde er adam zardap shekken joq», - delіngen aqparatta.