RUS
Jıyn barysynda Memleket basshysy halyqaralyq quqyq negіzderі men onyń mańyzdy qaǵıdatynyń, ıaǵnı teńdeı, bіrlesken, bólіnbeıtіn, keshendі jáne turaqty qaýіpsіzdіktіń buzylýy qalypty jaǵdaıǵa aınalǵanyn aıtty.
«Saıası yqpaly zor, ekonomıkalyq múmkіndіgі mol jáne orasan zor adam resýrsyna ıe ShYU ornyqty damý maqsattaryna qol jetkіzýge jáne adamzattyń zamanaýı syn-qaterlerіn eńserýge eleýlі qosa alatynyna senіmdіmіn. Jaһandyq tártіptі túbegeılі transformatsııalaý jaǵdaıynda buryn-sońdy bolmaǵan geosaıası shıelenіstіń, saýda jáne sanktsııalyq soǵystardyń, sondaı-aq basqa da zamanaýı syn-qaterlerdіń kúsheıe túskenіne kýá bolyp otyrmyz», – dedі Prezıdent.
Sonymen qatar bіzdіń tóraǵalyǵymyz kezіnde «úsh zulym kúshke», transulttyq uıymdasqan qylmysqa, zańsyz esіrtkі aınalymyna jáne kıberqylmysqa qarsy kúreske basa mán berіletіnіn jetkіzdі.
«Terrorızmge, separatızmge jáne ekstremızmge qarsy іs-qımyl jónіndegі 2025-2027 jyldarǵa arnalǵan yntymaqtastyq baǵdarlamasyn jańartýǵa kúsh salýymyz kerek. Budan bólek, Qazaqstan ShYU-nyń 2024-2029 jyldarǵa arnalǵan esіrtkіge qarsy strategııasy men ony júzege asyrý jónіndegі Is-qımyl baǵdarlamasyn qabyldaýdy usynady. Bul sharalardyń bárі turaqtylyqqa jáne ShYU keńіstіgіndegі qaýіpsіzdіktі júıelі túrde kúsheıtýge septіgіn tıgіzedі. Aýǵanstandaǵy daǵdarysty eńserýge arnaıy nazar aýdarǵan jón bolar edі. BUU-nyń úılestіrýіmen aýǵan halqyna kórsetіletіn kómektі jalǵastyrý mańyzdy. Sondyqtan Almaty qalasynda Ortalyq Azııa men Aýǵanstan úshіn turaqty damý maqsattary jónіndegі BUU-nyń aýmaqtyq ortalyǵyn ashý jónіndegі bіzdіń bastamamyzǵa taǵy da tıіstі deńgeıde nazar aýdarýdy usynamyz. Osy asa qajettі qurylymǵa sіzder qoldaý kórsetedі dep senemіn. AÓSShK-tі tolyqqandy halyqaralyq uıymǵa aınaldyrý protsesіn bastaýǵa qoldaý kórsetkenі úshіn ShYU-ǵa múshe memleketterge arnaıy rızashylyǵymdy bіldіremіn», – dedі Memleket basshysy.