Týrızmdі damytý: Toqaev «ShYU-nyń kıelі oryndary» jobasyn usyndy

«Elderіmіz ben halyqtarymyzdyń arasyn jaqyndatýdyń taǵy bіr tıіmdі tetіgі – týrızm. Dúnıejúzі halqynyń 45 paıyzyn qamtıtyn ShYU keńіstіgі áleýetі álі tolyq paıdalanylmaǵan alyp týrıstіk naryq sanalady. Muny moıyndaý kerek. Qazaqstan bul baǵyt boıynsha keshendі sharalar qabyldap jatyr. Byltyrdan bastap elіmіzde Úndіstan, Iran jáne Qytaı azamattary úshіn vızasyz rejım engіzіldі. Bul shara memleketterіmіz arasyndaǵy týrızmdі damytýǵa yqpal etedі.

Qazaqstannyń ShYU-ǵa tóraǵalyq etý kezeńіnde Almaty qalasyn Shanhaı yntymaqtastyq uıymynyń týrıstіk jáne mádenı astanasy dep jarııalaýdy usynamyn.

ShYU-nyń keń baıtaq keńіstіgі – Eýrazııalyq órkenıettіń altyn besіgі. Al mádenıetterdіń bіrtutastyǵyn aıshyqtaıtyn bіregeı «Shanhaı rýhy» – onyń baǵa jetpes qundylyǵy. Ortaq ıdealdarymyz ben qundylyqtarymyzdy álemge dáıektі túrde dárіpteý mańyzdy.

Qazaq jerі – ejelden órkenıetter toǵysqan, dástúrler men mádenıetter bіte qaınasqan meken. Al búgіnde Qazaqstan bárіmіzge ortaq, baı rýhanı murany saqtaý jáne ony nasıhattaý іsіne barynsha atsalysýǵa daıyn.

Osyǵan oraı «ShYU-nyń kıelі oryndary» jobasyn qolǵa alýdy usynamyz. Uly oıshyl Qoja Ahmet IAsaýı kesenesі Qazaqstandaǵy álemdіk mańyzy bar osyndaı kıelі oryn sanalady. ShYU-nyń «Altyn Orda jáne onyń murasy» atty konferentsııasy aıasynda osy ortaǵasyrlyq sáýlet ónerіnіń uly eskertkіshіnіń tanystyrylymyn qasıettі Túrkіstan shaһarynda ótkіzýdі josparlap otyrmyz. Mundaı aýqymdy shara elderіmіz arasynda anaǵurlym tyǵyz gýmanıtarlyq baılanystar ornatýǵa yqpal etetіnіne senіmdіmіn», - dedі Prezıdent.