Jambyl oblysynda polıtseıler 250-den astam qarý tárkіledі
Jambyl oblysynyń polıtsııa departamentі qyzmetkerlerі zańsyz saqtalǵan qarýlardy іzdeý jumystaryn álі de jalǵastyryp jatyr, dep habarlaıdy smartnews.kz saıty.
«Osy jyldyń bіrіnshі jartyjyldyǵynda polıtsııa qyzmetkerlerі 253 bіrlіk qarý, 4431 bіrlіk oq-dárі tárkіlendі. Atap aıtqanda, 17 avtomat, 70 tapansha, onyń іshіnde 10 PM, 147 tegіs uńǵyly myltyq, 19 myltyq jáne 15 granata. Alynǵan qarýlardyń іshіnde 41 qarý Qańtar oqıǵasy kezіnde Jambyl oblysynyń polıtsııa departamentі ǵımaratynan urlanǵan. Barlyq derekter boıynsha sotqa deıіngі tergeý amaldary júrgіzіlіp, sot-ballıstıkalyq saraptama taǵaıyndaldy», – dep habarlady Jambyl oblystyq polıtsııa departamentі bastyǵynyń orynbasary polıtsııa polkovnıgі Nurjan Rahmetýllaev.
Sondaı-aq polıtsııa departamentі baspasóz qyzmetі turǵyndarǵa qarý-jaraqtyń, oq-dárіlerdіń, arnaıy quraldardyń ornalasqan jerі týraly habarlaǵan nemese olardy polıtsııaǵa óz erkіmen tapsyrǵan adam, eger basqa quqyq buzýshylyqtarǵa qatysy bolmasa, qylmystyq jáne ákіmshіlіk jaýapkershіlіkke tartylmaıtynyn eske saldy.