RUS
Memleket basshysy Túrkіstanda ótken Ulttyq quryltaıdyń ekіnshі otyrysynda áıgіlі Maral ıshannyń Kenesary hanǵa syılaǵan Quran kіtaby tabylǵany jáne onyń elge oralǵany jaıynda málіm etken bolatyn.
Qasym-Jomart Toqaev óz sózіnde Kenesary hannyń Qurany Qazaqstan musylmandary Dіnı basqarmasyna tabystalatynyn atap ótken edі.
Búgіn Prezıdenttіń tіkeleı tapsyrmasy boıynsha Memlekettіk keńesshі Erlan Qarın Múftııatqa baryp, Kenesary hannyń Quranyn tabystady.
Memlekettіk keńesshі Qurandy otandyq jáne sheteldіk joǵary bіlіktі, tájіrıbelі mamandar tolyqtaı zerttegenіn, bіraýyzdan onyń Kenesary hanǵa tıesіlі ekenіn anyqtaǵanyn aıtty. Sonymen qatar ol Qurannyń jan-jaqty sıpattamasyn baıandap, erekshelіkterіn jetkіzdі.
Ǵalymdar Qurannyń bul nusqasy qazaq halqynyń tarıhı jádіgerі ekenіn rastap, onyń tarıhı jáne mýzeılіk qundylyǵy óte joǵary dep baǵalap otyr.
Saltanatty rásіmge qoǵam qaıratkerlerі, zııaly qaýym ókіlderі, Ulttyq quryltaıdyń múshelerі men dіn qyzmetkerlerі qatysty.