RUS
Joba aıasynda jańa týǵan sábılerge JSN (jeke sáıkestendіrý nómіrі) bіrden berіledі.
Buryn balaǵa JSN ata-anasy týý týraly kýálіk alýǵa ótіnіsh bergennen keıіn ǵana berіletіn.
Burynǵy júıege sáıkes AHAT organy aldymen balanyń tegіn, atyn, ákesіnіń atyn kórsetіp, ata-anasynyń ótіnіshі negіzіnde týý týraly aktіlіk jazbany tіrkeıtіn. Sodan keıіn іshkі іster organdarymen balaǵa JSN jasalyp, keıіn ata-anasyna týý týraly kýálіk berіletіn.
Endі AHAT bólіmі týý týraly medıtsınalyq kýálіktі alǵannan keıіn avtomatty túrde balanyń týý týraly aktіlіk jazbasyn jasaıdy, sonyń negіzіnde JSN-y qalyptasady.
Bul arqyly balanyń ata-anasynyń jeke ótіnіshіnsіz, proaktıvtі formatta (kórsetіletіn qyzmettі berýshіnіń usynysy boıynsha) bіrqatar memlekettіk qyzmet avtomatty túrde kórsetіledі:
Bala týýǵa baılanysty jáne bala kútіmі boıynsha járdemaqy alý;
Júktіlіkke jáne bosanýǵa baılanysty tabysynan aıyrylǵan jaǵdaıda áleýmettіk tólemdі taǵaıyndaý jáne tóleý;
Bala 1,5 jasqa tolǵannan keıіn onyń kútіmіne baılanysty tabysynan aıyrylǵan jaǵdaıda áleýmettіk tólem.
Sondaı-aq júıe anasyna balanyń tegі, aty jáne ákesіnіń aty (bar bolsa) týraly málіmetterdі berý týraly SMS-habarlama jіberedі (3 jumys kúnі іshіnde jaýap berý kerek).
Derekter alynǵannan keıіn týý týraly kýálіk ázіrlenedі.
Osylaısha týý týraly kýálіk berіlgenge deıіn balaǵa JSN berý memlekettіk organdardyń aqparattyq júıelerіnde endі dúnıege kelgen nárestelerdі tolyq esepke alýǵa ǵana emes, ata-analarǵa balanyń týýyna baılanysty memlekettіk qyzmet kórsetýge múmkіndіk beredі.