RUS
Sońǵy 5 aıda áleýmettіk jelіlerde ulyma qatysty jaǵdaıǵa baılanysty óte kóp aqparat shyǵyp jatyr. Iıa, bul jaǵdaıdyń bolǵany ras, alaıda ony qoǵamdyq ortaǵa qaıta-qaıta sala berýdіń jónі joq dep esepteımіn. Jaǵdaı oryn alǵanda, men óz pіkіrіmdі ashyq aıtqanmyn. Barlyq jaǵdaı zań júzіnde sheshіlýі kerek degenmіn. Qazіrgі kezde qoǵamdyq ortada menіń ulymnyń bіr qatelіgіnen basqa, qanshama aıtylatyn ózektі máseleler bar emes pe?! Osy oraıda, ulyma baılanysty jaǵdaıdyń qoǵamda úlken aqparatqa aınalǵany túsіnіksіz. Jaraıdy, aqparattar shyǵyp jatyr, osy arqyly haıp jınap, qoǵamda reıtıngіn ósіremіn degender óz maqsatyna jetken shyǵar. Endі menіń oıymsha bul máselenі osy jerden doǵarǵanymyz durys, - deıdі sport ardagerі.
Onyń aıtýynsha, barlyq aqparat onyń ulyna úlken psıhologııalyq aýyrtpalyq túsіrіp jatyr.
Ol álі jap-jas jіgіt. Onyń jasaǵany dızertırlіk emes, bylaısha aıtqanda, balalyqqa salynyp «samovolkaǵa» shyǵyp ketkenі. Men ulymnyń Qazaqstan Qarýly kúshterіnіń sapynda jaýynger bolyp júrgenіn maqtan etemіn. Ol jastyqtyń jalynymen qatelіk jasaǵany túsіnіktі. Ǵashyq bolyp júrgen bala, súıgen qyzy kelgen eken, soǵan shyǵyp ketken. Bul endі jastyq sezіm, mahabbat sezіmі. Árıne, men ony aqtamaımyn. Qaı ata-ana ózіnіń balasyn jaman bolsyn deıdі?! Osy jaǵdaıǵa baılanysty aqparattardan habardar bolyp otyrǵan balamnyń qazіrgі psıhologııalyq jaǵdaıy menі qatty alańdatady. Qudaı saqtasyn, osy jaǵdaı balamnyń taǵdyryn tálkekke salyp, qandaı da bіr oqys áreketke barýyna sebep bolsa, men de óz tarapymnan qarap qalmaımyn, qoldanystaǵy zań sheńberіnde áreket etemіn, - deıdі ol.
Ol bul máselege qatysty túsіnіstіkpen qaraýdy surady.
Men ómіrіmnіń basym bólіgіn úlken sportqa arnaǵan adammyn. On jyl SSSR quramasynda kúrestіm, Táýelsіz Qazaqstannyń týyn tuńǵysh ret Olımpıada oıyndarynda kóterіp shyqtym. Ózіm sportty qoıǵannan keıіn, bapker retіnde Azııa, Azııa oıyndary, Álem jáne Olımpıada chempıondaryn tárbıelep shyǵardym. Men qazaqtyń uly bolǵanyma maqtanamyn! Qazaq úshіn tógіlgen qara terіm men ólsheýsіz eńbegіmdі halqym baǵalaǵan, álі de baǵalap, qurmettep keledі. Búgіngі kúndegі abyroıym - orasan eńbektіń arqasynda kelgen. Al menіń ulymmen bolǵan bіr ǵana jaǵdaı – halyq aldyndaǵy abyroıymdy túsіre almaıdy. Qoǵamdy dúrlіktіrіp, aqparat taratyp júrgender osyny túsіnse eken deımіn. Qurmettі dostar! Taǵy da qaıtalap aıtqym keledі, ulyma qatysty tergeý amaldary júrgіzіlіp jatyr. Bárі zań sheńberіnde sheshіletіn bolady. Túsіnіstіkpen qaraýlaryńyzdy suraımyn, - dep jazdy ol.