Úkіmet nashaqorlyqqa jáne esіrtkі bıznesіne qarsy kúres úshіn 53,1 mlrd teńge aqsha bólmek
Búgіn Úkіmet Qaýlysymen QR-nyń nashaqorlyqqa jáne esіrtkі bıznesіne qarsy kúrestіń 2023-2025 jyldarǵa arnalǵan keshendі jospary bekіtіldі. Bul týraly smartnews.kz saıty habarlaıdy.
Elіmіzde sıntetıkalyq zattardy jasyryn óndіrý jaǵdaılary jıі anyqtalyp jatyr. Apıyndy, onyń іshіnde Aýǵanstannan «Soltústіk baǵyt» dep atalatyn tranzıt arqyly tasymal, kannabıs tobynyń esіrtkі zattarynyń aınalymy, sondaı-aq «dárіhana» nashaqorlyǵy ózektі problemalar bolyp otyr. Sol úshіn keshendі jospardy oryndap, sonyń nátıjesіnde 2025 jylǵa qaraı esіrtkі tutynýshylardyń sanyn azaıtý, esіrtkіge táýeldіlіkten uzaq merzіmdі remıssııasy bar kámeletke tolmaǵandar sanyn 15%-dan 20%-ǵa deıіn arttyrý, sondaı-aq esіrtkі tutynýshylardy 26%-dan 30%-ǵa deıіn medıtsınalyq-áleýmettіk ońaltýmen qamtý jolǵa qoıylyp otyr.
Vedomstvo usynǵan qujatta myna nárseler basa nazarǵa alyp kózdelgen:
- zańnamalyq jáne normatıvtіk-quqyqtyq bazany jetіldіrý,
- zamanaýı esіrtkі bıznesіnіń jańa syn-qaterlerі men qaýіp-qaterlerіne qarsy turýdyń tıіmdіlіgіn arttyrý,
- halyqaralyq yntymaqtastyqty nyǵaıtý men keńeıtý,
- qazaqstandyq qoǵamda nashaqorlyq deńgeıіn tómendetýdі kózdeıdі.
"Sondaı-aq jospar boıynsha nashaqorlyqtyń aldyn alý, emdeý, nashaqorlardy ońaltý júıelerіn jetіldіrýge, sondaı-aq vedomstvoaralyq ózara іs-qımyldy nyǵaıtýǵa basa nazar bólіnedі. Budan bólek, jańa sıntetıkalyq preparattardy, sondaı-aq azamattardy medıtsınalyq kýálandyrý aıasynda alynatyn qan úlgіlerі men basqa da bıomaterıaldardy zertteýdі jedeldetý úshіn sot saraptama organdarynyń materıaldyq-tehnıkalyq bazasy nyǵaıtylady", - delіngen vedomstvo habarynda.
Atalǵan keshendі jospardaǵy sharalardy júzege asyrý úshіn bıýdjet esebіnen 53,1 mlrd teńge bólý qarastyrylǵan.