Almatyda taksıst sheteldіkten 60 myń teńge talap etken
AQSh-tan kelgen meıman, Steppe Global Education bіlіm berý ortalyǵynyń basshysy Djoel Erıkson Qazaqstanda óz іsіne adal emes taksısterge tap bolǵanyn aıtty, dep habarlaıdy smartnews.kz saıty.
Djoel Erıkson Astanada ótken Baýyrlas qalalar forýmyna kelgen.
«Taksı júrgіzýshіsі menі aldamaq boldy, ıaǵnı avtokólіkpen tasymaldaý qyzmetіne tym kóp aqsha alǵysy keldі. Olar sheteldіk ekenіmdі bіledі. Almatyǵa alǵash kelgenіmde, áýejaıdan ortalyqqa jetkіzý úshіn olar 60 myń teńge alǵysy keldі. Árıne, bul somany tóleýden bas tarttym. Bіraq taksıstіń bul pıǵyly durys bolmady», - dedі Djoel Erıkson.
Onyń paıymynsha, Qazaqstanda taksıge tapsyrys beretіn arnaýly qosymshalardy kóptep engіzý kerek.
«Atap aıtqanda, Qazaqstanda «IAndekske» uqsas otandyq qosymshany damytý kerek. Eger sіzderde mundaı aýqymdy otandyq qyzmet іske qosylsa, aqshanyń bіr bólіgі Reseıge ketpeı, osynda qalar edі. Bul turǵyda osydan kelgen tabysty ınvestıtsııa retіnde ıgerýge bolady», - dedі ol.