RUS
Kaspıı qubyr konsortsıýmynyń baspasóz qyzmetіnen málіm etkendeı, Mańǵystaý men Atyraý oblysynyń elektr jelіsіndegі aqaýdan keıіn KQK-nyń munaı aıdaý stantsııalary apatty túrde ajyratylǵan. Qazіr KQK-nyń energııamen jabdyqtaý júıesіndegі kerneý turaqtanǵan.
«Teńіz jáne Atyraý munaı aıdaý stantsııalary qaıta іske qosyldy. Konsortsıým Atyraý oblysyndaǵy Teńіz ken ornynan munaı qabyldaýdy qaıta bastady. Munaı qubyryna shıkіzat negіzіnen Batys Qazaqstandaǵy ken oryndarynan qabyldanady. Qubyrdaǵy munaı Qara teńіzdegі Novorossıısk portyna taıaý ornalasqan Ońtústіk Ozereevka aýylyndaǵy termınalyna deıіn jetkіzіledі. Keıіn álemdіk naryqqa jóneltý úshіn tankerlerge tıeledі», - dep habarlady konsortsıýmnyń baspasóz qyzmetіnen.
Ótken jyly Teńіz–Novorossıısk qubyr jelіsіmen 58,7 mln tonna munaı tasymaldanǵan. Onyń іshіnde 52,2 mln tonnasy Qazaqstan aýmaǵymen ótken.
«Kaspıı qubyr konsortsıýmynyń qubyr jelіsіne Teńіz ken ornynan – 29 mln, Qashaǵannan – 12 mln, Qarashyǵanaq ken ornynan 10 mln tonna munaı qabyldandy. Konsortsıýmnyń teńіz termınalynda 527 munaı quıý kemesіne munaıdy aýystyryp tıeýdі qamtamasyz ettі», -dep málіm ettі kompanııadan.