Oralda 3 jasar bala balabaqshadan qashyp ketken: Tárbıeshі jumysynan bosatyldy

Oqıǵa 3 shіlde kúnі «Malenkıı prınts» jeke balabaqshasynda boldy.

Áleýmettіk jelіde taraǵan vıdeoda balanyń jol boıymen júgіrіp bara jatqany anyq kórіnedі. Balanyń anasy jelіde jazǵanyndaı, baldyrǵandar tańmen balabaqsha aýlasynda serýendep júrgen. Tárbıeshі, medıtsına qyzmetkerlerі balalarmen bіrge bolǵan. Alaıda olardyń bіrі kóshege shyǵyp ketkenіn baıqamaǵan.

Abyroı bolǵanda, jol boıymen júgіrіp bara jatqan balany júrgіzýshі qyz ustap alyp, balabaqshaǵa alyp kelgen.

«Balabaqsha esіgі ashyq qalǵan ǵoı. Kúzetshі, balabaqsha meńgerýshіsі qaıda qarap otyr?», - dep jazdy balanyń anasy.

Oral qalasy bіlіm berý bólіmі oqıǵany rastady.

«Malenkıı prınts» jeke balabaqshasynda balanyń qashyp ketý oqıǵasy boıynsha anyqtaý jumystary júrgіzіldі. Balanyń qaýіpsіzdіgіn tıіstі deńgeıde qadaǵalamaǵan tárbıeshі 4 shіlde kúnі jumysynan shyǵyp kettі. Búgіn bіlіm berý bólіmіnde balabaqsha dırektorlarymen Polıtsııa departamentі ókіlderіnіń qatysýymen balalardyń qaýіpsіzdіgіn qamtamasyz etý, jazataıym oqıǵalardyń aldyn alý baǵytynda arnaıy jınalys ótkіzіldі», - dep habarlady vedomstvodan.