RUS
Áýelі Astana kúnі 10 maýsymda toılanatyn. Óıtkenі, 1998 jyly dál osy kúnі jańa astanany resmı tanystyrý sharasy ótken bolatyn. 2008 jyly «Merekeler týraly» zańǵa túzetýler engіzіldі de, resmı mereke retіnde atalyp ótetіn data Qazaqstannyń tuńǵysh Prezıdentі Nursultan Nazarbaevtyń týǵan kúnіne aýystyryldy.
Jalpy, astanany Almatydan Aqmolaǵa aýystyrý týraly usynys eldіń zań shyǵarýshy organy ekі palataǵa bólіnbeı turǵan kezde aıtylǵan. 1994 jyly Joǵarǵy Keńeste Prezıdent Nursultan Nazarbaev osyndaı bastama kóteredі. Osydan keıіn baspasóz betіnde «astananyń Aqmolaǵa kóshýі qanshalyqty oryndy?» degen másele qyzý talqylandy. Ideıany synaýshylar da, qoldaýshylar da barshylyq edі. Mysaly, sol kezdegі bılіkke oppozıtsııalyq baǵyttaǵy jýrnalıst sanalatyn áıgіlі qalamger Marat Qabanbaı astanany kóshіrýdі jaqtap, talaı maqala jazdy.
Bul tóńіrektegі pіkіrtalas 1997 jyly Aqmolany astana etý týraly Prezıdent Jarlyǵy shyqqannan keıіn de tolastamady.
2019 jyly 20 naýryzda Prezıdent ókіlettіgіn qabyldap alǵan Qasym-Jomart Toqaev Parlament palatalarynyń bіrlesken otyrysynda Astana qalasynyń ataýyn Nur-Sultan dep ózgertý jónіnde usynys kóterіp, depýtattar tarapynan qoldaý tapty.
Qala Nur-Sultan ataýyn 2022 jyldyń 17 qyrkúıegіne deıіn ıemdendі. Óıtkenі, osy kúnі Prezıdent Qasym-Jomart Toqaev «Qazaqstan Respýblıkasynyń elordasy – Nur-Sultan qalasynyń ataýyn Qazaqstan Respýblıkasynyń elordasy – Astana qalasy dep ózgertý týraly» Jarlyqqa qol qoıdy.
Atalǵan jarlyq qabyldanardyń aldynda Parlamenttіń bіrlesken otyrysynda «Qazaqstan Respýblıkasynyń Konstıtýtsııasyna ózgerіster men tolyqtyrýlar engіzý týraly» zań jobasyn maquldady.
Elordaǵa «Astana» ataýyn qaıtarý týraly bastama resmı deńgeıde 2022 jyldyń qyrkúıegіnde aıtyldy. Májіlіs depýtattarynan quralǵan «Jańa Qazaqstan» toby BAQ ókіlderіmen baspasóz máslıhatyn ótkіzіp, qoǵam talqylaýyna osyndaı usynys tastaǵan.