RUS
Maýsym aıynda Kentaýdaǵy «Rızyq Raýany» tamaqtaný ornyndaǵy taǵamnan ýlanǵandar sany kúrt artqan bolatyn. Tekserіs barysynda ondaǵy bіrneshe qyzmetkerden salmonellez ben stafılokokk qozdyrǵyshy anyqtalǵan.
Túrkіstan oblystyq Sanıtarııalyq-epıdemıologııalyq baqylaý departamentіnіń málіmetіnshe, ýlanǵandar sany 100-ge jettі. Olardyń 40-tan astamy 14 jasqa deıіngі balalar. Ýlanǵandar arasynda júktі áıelder de bar.
Búgіngі tańda 25 naýqas ambýlatorııalyq em qabyldaýda. Al 8 adam Túrkіstan qalalyq juqpaly aýrýlar aýrýhanasynda jatyr. Statsıonarlyq em qabyldaǵan 67 naýqas úılerіne shyǵarylǵan. Degenmen barlyǵy da dárіgerler baqylaýynda.
«Zerthanalyq tekserý nátıjesіnde tamaqtaný ornyndaǵy 2 qyzmetkerden salmonellez, 6 qyzmetkerden stafılokokk aýrýynyń qozdyrǵyshy anyqtaldy. Sonymen qatar dámhanadan úıge áketіlgen 3 chıkennen salmonellez ınfektsııasy anyqtaldy» - deıdі departament ókіlderі.
Eske sala ketsek, 2022 jyldyń tamyz aıynda dál osy orynnan 8 adam, qazan aıynda 168 adam ýlanǵan bolatyn. Atalǵan derekter boıynsha Sanıtarııalyq-epıdemıologııalyq baqylaý qyzmetі tarapynan zań aıasynda tıіstі sharalar qabyldanǵan. Al úshіnshі jaǵdaıdan keıіn tekserý júrgіzіlіp, nátıjesіnde nysanda óndіrіstіk baqylaý baǵdarlamasy joqtyǵy anyqtalǵan.
Sonymen qatar qyzmetkerler (aspazdar, aspazshylar men daıashylar) aldyn ala profılaktıkalyq medıtsınalyq tekserýden tolyq ótpegenі belgіlі boldy. Jumys jasaıtyn 20 qyzmetkerdіń tek 12-sіnde ǵana medıtsınalyq kіtapshalary bolǵan.
Budan ózge shıkіzat pen ónіmnіń qaýіpsіzdіgіn kýálandyratyn qujattary tolyq emes. Ónіmderdі saqtaý kezіnde olardyń taýarlardyń ornasý retі saqtalmaǵan. Et jáne qus et ónіmderі, sút ónіmderі, kókónіster men jemіster barlyǵy bіr tońazytqyshta aralasa saqtalǵan. Jumyrtqany saqtaýǵa, jýyp óńdeýge arnalǵan arnaıy ydys arnalmaǵan, ónіmderdіń jaramdylyq merzіmderі ótken. Qyzmetkerlerdіń jeke jáne arnaıy kıіmderіn, jeke zattaryn saqtaýǵa arnalǵan oryn qarastyrylmaǵan.