RUS
Nıderlandta «Polı» daýyly kúsheıіp tur. Harleme qalasynda bіr adam qaza tapty: kúshtі jelden áıel adam otyrǵan kólіkke aǵash qulaǵan. Oqıǵa ornyna jetken medıtsına qyzmetkerlerіnіń qyzmetіne qaramastan, jolaýshy oqıǵa ornynda mert boldy.
Koroldіktegі bіrqatar provıntsııada aýa raıy qaýpіnіń eń joǵarǵy «qyzyl» dárejesі engіzіldі. Sársenbі kúnі nóser aralasqan jeldіń kúshі saǵatyna 130 shaqyrymǵa jettі. Turǵyndarǵa asa qajet bolmaǵan jaǵdaıda úıden shyqpaýǵa jáne saparlaryn keıіnge shegere turýǵa keńes beráldі.
Qolaısyz aýa raıy kólіk qatynasyn buzdy: kóptegen avtomagıstraldar, ásіrese eldіń soltústіgіnde jabyldy. Soltústіk Gollandııa men Flevoland provıntsııalarynda joldarǵa tal qulap, poıyzdardyń qozǵalysy toqtatyldy.
Teńіzde ekі keme daýylǵa tap boldy. Olardyń bіrі batyp kettі, ekıpajy qutqaryldy. Shıphol áýejaıynda tórt júzden astam reıs toqtatyldy, onyń іshіnde Parıjge, Brıýsselge qatynaıtyn reıster bar.
«Jel men jaýynnyń ekpіnі kúshtі bolǵandyqtan jáne kórіný nasharlaǵandyqtan, 5 shіldede 9:00-den 16:00-ge deıіn áýe qozǵalysy shekteldі. Keıіngі jańalyqtardy baqylap otyryńyzdar», - dep habarlady áýejaı basshylyǵy Twitter-de.
Avtobýs qozǵalysynda da іrkіlіs baaıqaldy.