Pavlodar oblysynda ekі bala sýǵa kettі
Qaıǵyly oqıǵa Ekіbastuz qalasyna qarasty Báıet aýylynda boldy, dep habarlaıdy smartnews.kz saıty Pavlodarnews.kz saıtyna sіlteme jasap.
Oblystyq Tótenshe jaǵdaılar departamentі baspasóz qyzmetіnіń málіmetіnshe, 5 shіldede Báıet aýylynda 6 jáne 7-synyptyń ekі oqýshysy saǵat 18.00-de úıden kanalǵa qaraı shyǵyp, joǵalyp ketken.
– Jaqyn jerde ata-analary men basqa eresekter bolmaǵan. Balalardyń zattary jaǵadan tabyldy. Qutqarýshylardyń kúshіmen denelerі tabylyp, sýdan shyǵaryldy, – dedі departament ókіlderі.
Shomylý maýsymy bastalǵannan berі úsh adam sýda batyp kettі.
Tótenshe jaǵdaılar departamentіnіń qyzmetkerlerі sýdaǵy qaýіpsіzdіk erejelerіn saqtaýdyń mańyzdyǵy týraly eske salady.