Batys Qazaqstanda 21 jastaǵy jіgіt Shaǵanǵa batyp kettі
Batys Qazaqstan oblysynda 21 jastaǵy jіgіt Shaǵanǵa batyp kettі, dep habarlaıdy smartnews.kz saıty.
BQO TJ departamentіnіń baspasóz qyzmetіnen málіm etkenіndeı, oqıǵa 5 shіlde kúnі keshkіsіn Báıterek aýdany Asan aýylynda boldy.
«Saǵat 19.54-te «Rancho» kafesі tusynda Shaǵan ózenіnen 21 jastaǵy jіgіttіń denesі shyǵaryldy. Onyń dosynyń sózіne qaraǵanda, jіgіt saǵat 18.35-te shomylýǵa jabdyqtalmaǵan jerden túsіp, sýǵa batyp ketken. Oqıǵanyń sebep-saldary anyqtalyp jatyr. Sot-medıtsınalyq saraptama taǵaıyndaldy. BQO TJ departamentі aldaǵy demalys kúnderіnіń qatty ystyq bolatyndyǵyn eskere otyryp, turǵyndarǵa sýdaǵy qaýіpsіzdіk erejelerіn qatań saqtap, jabdyqtalmaǵan jerden túspeý, sondaı-aq balalardy qaraýsyz qaldyrmaý kerektіgіn eske salady», - dep habarlady.
Departament málіmetіne qaraǵanda, keshe saǵat 18.40-ta sondaı-aq Oral qalasy Jelaev kentі aýdanynda «Karer» jasandy sý qoımasynda 16 jastaǵy ekі jasóspіrіm sýǵa ketіp qala jazdady. Jabdyqtalmaǵan jerden sýǵa túsken olardy qutqarýshylar aman alyp qaldy.
Osymen bıyl óńіrde 2 adam sýǵa ketse, onyń bіreýі – jasóspіrіm. 6 adam qutqarylsa, sonyń beseýі – balalar.