RUS
Twitter kompanııasy Facebook pen Instagram-ǵa ıelіk etetіn Meta kompanııasyn sotpen qorqytty. Buǵan sebep – keshe ǵana іske qosylǵan Twitter-ge óte uqsas jańa Threads platformasy.
Beısenbі kúnі keshke Semafor basylymy habarlaǵandaı, Twitter zańgerі Aleks Spıro sársenbіde Meta basshysy Mark TSýkerbergke resmı hat jіberіp, Meta-ny Threads jelіsіn qurý kezіnde "Kommertsııalyq qupııalardy jáne basqa da zııatkerlіk menshіktі júıelі, zııandy jáne zańsyz ıemdendі" dep aıyptaǵan.
Jańa baǵdarlamanyń paıda bolýyna Twitter-dіń ıesі Ilon Mask tіpten máz emes. Paıda bola sala 30 mıllıonǵa jýyq jazylýshy tіrkelgen jelіge qatysty Mask:
«Básekelestіk degenіmіz jaqsy, al ótіrіk jaqsy emes", — deıdі Twitter-dіń ıesі.
Threads jelіsіn іske qosqan Meta basshylyǵy bastapqyda bul jelі Twitter-ge balama bolady dep málіmdegen edі. Sondaı-aq BBC News-tіń tehnologııa baǵytyndaǵy tіlshіsі Djeıms Kleıton da, Threads qosymshasy Twitter-ge syrtqy jáne fýnktsıonaldyǵy jaǵynan óte uqsas ekenіn aıtqan.
Odan bólek, Twitter zańgerі Aleks Spıro ózіnіń hatynda Meta-ny kompanııanyń qupııalaryna qol jetkіzіp, osy áleýmettіk jelіnі týra kóshіrý úshіn burynǵy Twitter qyzmetkerlerіn jaldady dep aıyptaıdy. Zańgerdіń sózіnshe, Meta osy qupııalardy paıdalanýdy toqtatpasa sotqa bermekshі.
Al Threads qosymshasynyń baspasóz hatshysy Endı Stoýn tehnıkalyq komandada Twitter-dіń burynǵy qyzmetkerlerі joq dep jaýap berdі.