RUS
Aýrýhanaǵa Jańaqorǵan aýdanynan 77 jastaǵy er adam, Shıelі aýdanynan 51 jastaǵy er adam jetkіzіldі. Aýrýhanaǵa kelgende ekeýіnіń de jaǵdaıy aýyr bolǵan. Bul týraly 24kz jazdy.
Keıіn ekі naýqas qaıtys boldy. Olarǵa Kongo-qyrym gemorragııalyq qyzbasy dıagnozy qoıyldy.
"Ár jaǵdaıdy tіrkegen kezde 12 saǵat іshіnde jeke aýmaqtardy, mal qoralary men janýarlardy dezınfektsııalaý júrgіzіledі. Barlyq baılanysta bolǵan adamdar 14 kún boıy dárіgerlerdіń baqylaýynda bolady. Jalpy úsh aı - mamyr, maýsym, shіlde kenenіń qaýіptі túrlerіnіń belsendі bolatyn ýaqyty. Sondyqtan oblys turǵyndaryn saqtyq sharalaryn oryndap, shaqqan jaǵdaıda dereý dárіgerge qaralýyn suraımyz", - dedі Qyzylorda oblysy boıynsha sanıtarlyq-epıdemıologııalyq baqylaý departamentіnіń basshysynyń orynbasary Álııa Ábdіqaıymova.
Buǵan deıіn Taılandtan kelgen 37 jastaǵy pavlodarlyq denge bezgegіn sol jaqtan juqtyryp kelgen. Densaýlyq saqtaý mınıstrlіgіnіń málіmetіnshe, ol ınfektsııany masa shaǵýy arqyly juqtyrǵan.