Pavlodarda opyrylǵan shatyrdyń astynda qalǵan ekі adam aýrýhanada jatyr
Pavlodarda «Artýr» saýda úıіnіń shatyry opyrylyp, ekі adam sonyń astynda qalyp ketken, dep habarlaıdy smartnews.kz saıty.
Pavlodar qalalyq aýrýhanasynyń baspasóz qyzmetі oqıǵadan zardap shekkenderdіń jaǵdaıyn aıtyp berdі. Ekі naýqastyń da jaı-kúıі bіrqalypty.
«1971 jylǵy er adam ashyq bassúıek-mı jaraqatyn alǵan. Jaǵdaıy turaqty. 1975 jyly týǵan er adamda polıtravma boldy. Jaǵdaıy turaqty aýyr, oń aıaǵynyń súıekterі bіrneshe jerіnen synǵan. Jansaqtaý bólіmіnde jatyr», - dep habarlady №1 Pavlodar qalalyq aýrýhanasy.
Oqys oqıǵa búgіn túste bolǵan. Saýda ortalyǵy ǵımaratynyń búıіr jabyny jazǵy dámhananyń ústіne opyrylyp túsken.
Jergіlіktі atqarýshy organdardyń málіmetіnshe, jalpy qulaǵan aýmaq - 300 sharshy metr.
