RUS
Almatyda asfaltbeton jabyndysyn tóseý úshіn Abaı dańǵyly boıynsha Tіlendıev kóshesіnen Rozybakıev kóshesіne deıіngі 7-9 shіlde aralyǵynda kólіk qozǵalysy tolyqtaı shektelmek. Bul ýaqytta kólіkter Esenjanov, Sátbaev, Tіlendıev, Brýsılovskıı, Turǵut Ozal kóshelerіmen aınalyp ótedі.
«Qozǵalysty shekteý osy ýchaskede polımerasfaltbetondy qoldanýmen baılanysty. Ol 150-160 S temperatýrada tóseledі, qajettі berіktіkke jetý úshіn qospany 40 gradýsqa deıіn salqyndatý kerek. Áıtpese, qospanyń quramy kólіk quraldary júktemelerіnіń áserіnen buzylady, bul bolashaqta jaryqtar men kolysýlardyń paıda bolýyna ákeledі. Jabyndy tóseý jumystary túnde júrgіzіledі, alaıda júrgіzіletіn jumystardyń sapasynyń nasharlaýyn boldyrmaý úshіn bettі salqyndatý jáne tıіstі qattylyq pen berіktіktі jınaý úshіn orta eseppen 36 saǵatqa shydaý usynylady. Bul kezeń, ádette, kúndіzgі ýaqytqa sáıkes keledі, bul qozǵalystyń qabattasýyn túsіndіredі», - delіngen Almaty ákіmdіgіnіń málіmdemesіnde.
Atalǵan tehnologııanyń pılottyq jobasy taǵy da 15 kóshe úshіn qoldanylady. Olar: Ál-Farabı, Tіlendıev, Baızaqov, Abaı, Turǵut Ozal, Saıyn, Tóle bı, Shalıapın, Manas, Qaldaıaqov, Qurmanǵazy, Jumalıev, Shagabýtdınov, Dosmuhamedov, Túrkebaev. Pılottyq jóndeý bіtken soń analız jasalady. Saraptama nátıjesі oń bolǵan jaǵdaıda ózge de kósheler jóndeýden ótedі.
Osylaısha bas-aıaǵy 230 kóshe jóndeýden ótpek. Olardyń keıbіrіnіń asfalt tósemі jańartylsa, keıbіrіndegі kommýnaldyq jelі rekonstrýktsııadan ótedі.
Sondaı-aq atalǵan joba aıasynda Almaty ákіmdіgі joldardyń jańarýyna baılanysty turǵyndardan sabyr saqtaýdy ótіnіp otyr.
«Ýaqytsha qolaısyzdyqtar úshіn keshіrіm suraımyz. Bul qala joldaryn jóndeý olardyń bіzge uzaq qyzmet etýі úshіn qajettі shara. Sondyqtan baratyn baǵyttaryńyzdy aldyn ala belgіlep alýdy ótіnemіz», - deıdі ákіmdіk ókіlderі.