RUS
Kámeletke tolmaǵan qyzdarǵa «Aldyn ala sóz baılasyp, buzaqylyq jasaý», «Kúsh qoldanyp, aqsha bopsalaý» baptarymen aıyp taǵylǵan.
Sot іstіń mán-jaıyn jáne kúdіktі taraptyń jeke basyn, jábіrlenýshіlerdіń pіkіrlerіn, quqyqqa qaıshy áreketterdіń sıpatyn eskere otyryp, A. jáne T. esіmdі kúdіktіlerge QR QK-nіń 293-baby 2-bólіgі 1-tarmaǵy boıynsha 1 jyl bas bostandyǵyn shekteý, QR QK-nіń 194-baby 2-bólіgі 1,2-tarmaqtary boıynsha 3 jyl merzіmge bas bostandyǵynan aıyrý túrіnde jaza taǵaıyndady. Túpkіlіktі jaza – QR QK-nіń 293-baby 2-bólіgі 1-tarmaǵyna sáıkes, 3 jylǵa bas bostandyǵynan aıyrý. O. esіmdі kúdіktіnі 1 jyl merzіmge bas bostandyǵyn shekteý túrіnde jaza taǵaıyndaldy, - delіngen ShQO kámeletke tolmaǵandar іsterі jónіndegі mamandandyrylǵan aýdanaralyq soty joldaǵan jaýapta.
Sýdıa jábіrlenýshі tarapqa 9 mıllıon teńge kólemіnde moraldyq shyǵyn ótelgenіn málіmdedі.
Eske sala ketsek, naýryz aıynda 2 jasóspіrіm qyz qatarlasyn Óskemendegі «ADK-Rıver» saýda úıіnіń dárethanasynda ońdyrmaı sabap, sheshіnýge deıіn májbúrlegen edі. Taǵy bіr oqýshy bul soraqylyqty telefonyna túsіrіp turǵan. Ekіnshі kúnі olar taıaq jegen qyzdy taǵy tepkіlep, vıdeony ınternetke salamyz dep bopsalaǵan. Al jábіr kórgen stýdent aýrýhanadan bіr-aq shyqty. Kóp uzamaı, qyzdardyń tóbelesі áleýmettіk jelіde tarap, qoǵam narazylyǵyn týdyrdy. Sodan keıіn ǵana іske polıtsııa aralasqan.
Sottalýshylardyń bіrіnіń anasy bіlіm berý salasynda basshylyq qyzmette іstegen. Qyzynyń masqara áreketіnen keıіn ol óz erkіmen qyzmetіnen ketіptі.