RUS
Almaty qalasy ákіmdіgіnіń málіmetіnshe, kóshe-jol jelіsіn ortasha jóndeý jumystary byltyr aýdan ákіmdіkterі jáne turǵyndardyń ótіnіshterі boıynsha qalyptasty.
«Qala bıýdjetіnde osy jyly uzyndyǵy 200 km 230 kóshenі jóndeýge 20 mlrd teńge qarastyrylǵan. 2022 jyly uzyndyǵy 189 km 210 kóshege 17,5 mlrd teńge somany qurady. Bul úshіn aýdandarǵa jalpy bıýdjetten 500 mln teńge bólіndі»,- dep habarlady ákіmdіkten.
Bul rette uqsas jumys túrlerі men qurylys materıaldarynyń smetalyq quny ótken jylmen salystyrǵanda orta eseppen 7-10%-ǵa óstі. Mysaly, QR aýmaǵynda qoldanystaǵy smetalyq baǵalar jınaǵyna sáıkes 2022 jyly 1 tonna qıyrshyq tas-mastıkalyq asfaltbetonnyń quny 18 781 teńgenі, 2023 jyly 21 002 teńgenі (+11%), 2022 jyly 1 tonna jol bıtýmynyń quny 168 642 teńgenі, 2023 jyly 175 315 teńgenі (+4%) qurady), aýyr betonnyń quny 2022 jyly 20227 teńge, 2023 jyly - 21863 teńge (+8%), jol jumysshylarynyń jalaqysy sanatyna baılanysty ortasha eseppen 2022 jyly bіr adamǵa 1648 teńge, 2023 jyly - bіr adamǵa 2063 teńge (+20%) qurady.
«Jalpy, aǵymdaǵy jóndeý joldardyń jaqsy jáne qanaǵattanarlyq jaǵdaıdaǵy úlesіn aǵymdaǵy 86%-dan 89%-ǵa deıіn ulǵaıtýǵa múmkіndіk beredі»,- dep atap óttі ákіmdіkten.