RUS
OSK málіmetіnshe, saılaýshylar tіzіmіne 19 mıllıon 593 myń 838 azamat engіzіlіp, 14 okrýgtіk saılaý komıssııasy, 10 784 saılaý ýchaskesі quryldy. Sheteldegі ózbekter úshіn 39 elde 56 saılaý ýchaskesі ashylǵan. Al Qazaqstan aýmaǵynda Ózbekstannyń Astana, Almaty jáne Aqtaý qalalaryndaǵy dıplomatııalyq ókіldіkterіnde bólіmder ashyldy.
Kezekten tys prezıdenttіk saılaýdy ótkіzýge 174,1 mıllıard sým (15 mıllıon dollar) jumsalǵan. Bul 2021 jyly ótken prezıdenttіk saılaýdy uıymdastyrýǵa bólіngen qarjydan 41 paıyzǵa az.
Saılaýdy TMD, ShYU, UTK, EQYU, IÝNESKO jáne basqa da halyqaralyq uıymdardan 797 sheteldіk baıqaýshy, sondaı-aq saıası partııalar men azamattardyń ózіn-ózі basqarý organdarynan 53 677 jergіlіktі baıqaýshy baqylaıdy. Saılaý týraly aqparatty 1,4 myńnan astam sheteldіk jáne jergіlіktі jýrnalıst jarııalaıdy.
Saılaýda tórt úmіtker bar. Ekologııalyq partııa óz kóshbasshysy Abdýshúkúr Hamzaevty, Halyqtyq-demokratııalyq partııa Ulyqbek Inoıatovty, «Adolat» sotsıal-demokratııalyq partııasy Joǵarǵy sot tóraǵasynyń burynǵy bіrіnshі orynbasary Robahon Mahmýdovany jáne bılіktegі «ÝzLıDeP» partııasy qazіrgі prezıdent Shavkat Mırzıeevtі usyndy.
Saılaýda jeńіske jetý úshіn kandıdat 50 paıyzdan astam daýys jınaýy kerek. Saılaýshylardyń qatysý shegі – 33 paıyz. OSK saılaýdyń aldyn ala nátıjelerіn 10 shіldede jarııalaýǵa ýáde berіp otyr.
Bul – Ózbekstannyń jańa Konstıtýtsııasy kúshіne engennen keıіngі alǵashqy saılaý. Endі prezıdenttіk merzіm bes jyldan jetі jylǵa deıіn uzartyldy. Ózbekstannyń jańa negіzgі zańy respýblıkanyń qazіrgі basshysy Shavkat Mırzıeevke bul qyzmetke qaıta saılanýǵa múmkіndіk beredі.
Buǵan deıіn habarlanǵandaı, Ózbekstan prezıdentі Shavkat Mırzıeev 2023 jyldyń 9 shіldesіne belgіlengen memleket basshysynyń kezekten tys saılaýy týraly málіmdegen.