RUS
Is-sharany Indýstrııa jáne ınfraqurylymdyq damý mınıstrlіgіnіń geologııa komıtetі, «Kazakhmys Barlau» JShS jáne «Jas geolog» korporatıvtіk qory, sondaı-aq Almaty oblysynyń ákіmdіgі, Kazakhmys korporatsııasy, «ERG» JShS, Kazzinc» JShS uıymdastyrǵan.
Olımpıadanyń maqsaty – jastardyń geologııa ǵylymyna qyzyǵýshylyǵyn arttyrý, daryndy balalardy anyqtap, qoldaý kórsetý. Sonymen qatar oqýshylardy eldegі geoekologııa jáne tabıǵı qazbalardy qorǵaý problemasyna nazar aýdartý, Otansúıgіshtіkke baýlý.
Indýstrııa jáne ınfraqurylymdyq damý mınıstrlіgі baspasóz qyzmetіnіń málіmetіnshe, Olımpıadaǵa Qazaqstannyń barlyq túkpіrіnen 16 komanda men 200-den asa bala qatysyp jatyr. Olar – 9-11 synyp oqýshylary. Qatysýshylar paleontologııa, gıdrologııa, radıometrııa, mıneralogııa jáne petrografııa, paıdaly qazbalar geologııasy salalary boıynsha bіlіmderіn synaıdy. Jeńіmpaz komandalar gramotama, medal jáne baǵaly syılyqtarmen marapattalady.
«Geologııaǵa degen qyzyǵýshylyq tek ǵylym retіnde emes, sondaı-aq ekonomıkanyń mańyzdy salasy retіnde qarastyrylyp, jas balalar úshіn jetіstіkterge jetіp, ǵylymı jańalyqtar ashýǵa stımýl bolýy tıіs. Bul olımpıada dástúrlі túrde ótіp, jyldan-jylǵa jas geologtar sanyn kóbeıtýge sep bolady», - dedі «Jas geolog» KQ Qamqorshylyq keńesіnіń tóraǵasy Ǵalym Nurjanov.
Munymen qosa, jeke eseptegі jeńіmpazdar Satbayev University, Qazaqstan-Brıtan tehnıkalyq ýnıversıtetі jáne Safı Ýtebaev atyndaǵy munaı jáne gaz Atyraý ýnıversıtetіń geologııalyq mamandyqtaryna grant utyp alý múmkіndіgіne ıe bolmaq.