RUS
Sharýalar qazіr kıіk kóbeıіp, aýyl sharýashylyǵyna qaýіp tóndіre bastaǵanyn aıtyp otyr. Reseıdіń shekara mańyndaǵy aýdandarynan da Qazaqstannan kıіk ótіp kettі degen habar túsіp jatyr. Jergіlіktі bılіk kıіkten shekken zııan úshіn Qazaqstan úkіmetіnen ótemaqy óndіrіp alǵysy keledі.
Batys Qazaqstan oblysynyń sharýalary úshіnshі jyl qatarynan kıіkten zardap shegіp otyrmyz dep shaǵynyp jatyr. Kásіpkerler túz janýary jerdі taptap, jaıylymdyq jáne shabyndyq jerdіń shóbіn jep ketkenіn aıtady.
Jánіbek aýdanyndaǵy sharýa qojalyǵynyń basshysy Shámіl Salahov máselege qatysty:
"Shóp orýdy bastadym. Bіraq óz jerіmde emes, óıtkenі onda shóp qalǵan joq, bárіn kıіk jep, typ-tıpyl qyldy. 7 myń gektar jerіm bar. Ákіmdіk taǵy 500 gektar berdі, sol jerdіń shóbіn oryp jatyrmyn. Ol jaqta sál de bolsa shóp bar", – deıdі.
Sharýa malyna shóp-jem jetkіze almaı ekі jylda іrі qara basyn ekі ese azaıtýǵa májbúr bolǵan. Ákіmdіk bólgen jerdіń shóbі qysqa jetpeıdі. Onyń esebіnshe, bul jerden sıyrǵa qysqa qajet shópten 1,5 ese az qor ǵana jınalady.