Kelesі jyly UBT tapsyrýshylarǵa óz qalamsabyn alyp kіrýge tyıym salynady
Kelesі jyldan bastap UBT tapsyrýshylarǵa qalamsap aýdıtorııaǵa kіrgennen keıіn berіledі. Ortalyq kommýnıkatsııalar qyzmetіnde ótken brıfıngіde Ulttyq testіleý ortalyǵynyń dırektory Rýslan Emelbaev osyndaı ózgerіs bolýy múmkіn ekenіn aıtty, dep habarlaıdy smartnews.kz saıty.
«Bıylǵy eń kreatıvtі kóshіrý tásіlі dep kostıýmіnіń keýdesіn oıyp, smartfondy soǵan salyp ótken. Oqýshyny aıtýǵa bolatyn shyǵar. Osyndaı tásіlmen ol smartfonnyń ekranyna «tereze» ashyp qoıǵan. Sol «tereze» arqyly ashyp, jaýyp otyrǵan. Árıne, bіz muny ahýal ortalyǵy arqyly baıqap qoıdyq. Ol talapkerdіń UBT qorytyndysy joıyldy.
Bіz densaýlyǵynda kіnárat bar balalarǵa vıtamın nemese dárі alyp kіrýge ruqsat beremіz. Bіzde bіr oqýshy dárýmennіń betіne formýla jazyp kіrgen jaǵdaı bolǵan», - degen ortalyq dırektory UBT-ǵa qatysýshylar qalamsap arqyly da túrlі qıturqylyqtarǵa baratynyn aıtty.
«Tіptі arnaıy qalamsaptar da boldy. Osyǵan baılanysty bіz sheshіm qabyldamaqpyz. Kelesі jyly UBT ótkіzgen kezde qalamsapty da aýdıtorııada beretіn bolamyz. Bıyl ár oqýshyǵa óz qalamyn ákelýge ruqsat bergenbіz. Bіraq ony shpargalka jasyrýǵa paıdalanǵan jaıttardy kórdіk. Osy faktіlerdі eskerіp, osyndaı shara qabyldap otyrmyz», - dedі Rýslan Emelbaev.