RUS
«QazAvtoJol» ulttyq kompanııasynyń málіmetіnshe, trassanyń jalpy uzyndyǵy 146 shaqyrymdy quraıdy. Kúre jol boıynda 30-ǵa jýyq eldіmeken ornalasqan. Oblys boıynsha kólіk qarqyny joǵary joldardyń qataryna jatady. Táýlіgіne 15 myńǵa jýyq kólіk júredі.
«Bıylǵy jol qurylysy maýsymy aıasynda jolshylar uzyndyǵy shamamen 50 shaqyrymdy quraıtyn nashar kúıdegі úsh ýchaskenі jóndeýde.
Jóndeý jumystary Ózbekstan shekarasynan Jetіsaı qalasyna deıіngі, Enkes eldіmekenіnen Jіbek joly eldіmekenіne deıіngі jáne Qyzylásker aýylynan Júzіmdіk aýylyna deıіngі jol aralyqtarynda júrgіzіlýde», - dep jazdy vedomstvodan.
Jóndeý jumysy táýlіk boıy ekі aýysymda jalǵasyp jatyr. 70 maman men 45 arnaıy tehnıka jumyldyryldy.