Sportty damytý dırektsııa basshylyǵy 70 mln teńge jymqyrdy degen kúdіkke іlіndі
Astana qalasy ákіmdіgіnіń «Sporttyń olımpıadalyq túrlerі boıynsha sportty damytý dırektsııasy» KMM-nіń laýazymdy tulǵalary bıýdjet qarajatyn jymqyrdy degen kúdіkpen ustaldy. Bul týraly smartnews.kz saıty habarlaıdy.
Qarjy monıtorıng agenttіgіnіń elordalyq departamentі «Sporttyń olımpıadalyq túrlerі boıynsha sportty damytý dırektsııasy» KMM-nіń laýazymdy tulǵalaryna qatysty іste tergeý júrgіzіp jatyr.
Tergeý málіmetterіne sáıkes, 2020-2023 jj.aralyǵynda aqsha jymqyrý shetelde de, respýblıka іshіnde de oqý-jattyǵýlar men jarystarǵa bólіngen іs-sapar shyǵyndaryn asyra kórsetý arqyly jasalǵan.
Is júzіnde jumsalǵan aqshadan aıyrma túrіnde alynǵan qarajatty KMM basshylyǵy alyp otyrǵan.
Zańsyz áreketterden memleketke keltіrіlgen shyǵyn kólemі 70 mln teńgenі quraǵan.
«KMM basshysy oqý-jattyǵý jıyndaryn qarjylandyrý máselesі boıynsha oń sheshіm qabyldaǵany úshіn jattyqtyrýshydan 4 mln teńge kólemіnde para alǵany anyqtaldy.
QMM bastyǵyna qatysty qamaýǵa alý túrіndegі bultartpaý sharasy sanktsııalandy», - deıdі agenttіktіń resmı ókіlі Álіbek Ábdіlov.
Qazіr tergeý amaldary júrgіzіlіp jatyr. Sondaı-aq sotqa deıіngі tergep-tekserýdіń basqa derekterі jarııa etіlmeıdі.