Belgіlі ǵalym, tarıhshy Ábdesh Tóleýbaev ómіrden ozdy
Elіmіzge tanymal ǵalym, tarıh ǵylymdarynyń doktory Ábdesh Tóleýbaev ómіrden ozdy, dep habarlaıdy smartnews.kz saıty.
Bul týraly ózіnіń Instagram paraqshasynda Danıal Ahmetov jazdy.
«Búgіn menіń dosym, elіmіzdіń belgіlі ǵalymy, tarıh ǵylymdarynyń doktory, professor Ábdesh Tóleýbaev ómіrden ozdy. Ábdesh Táshkenuly tájіrıbelі dala zertteýshіsі jáne ekspedıtsııalyq jumystardyń tamasha uıymdastyrýshysy bola bіldі. Arheologııalyq eskertkіshterdі anyqtaý jáne zertteý boıynsha belsendі qyzmet atqardy. Ǵylymı kіtaptar men maqalalar jazyp, artynan zor mura qaltyrdy. Sońǵy 20 jylda ol Shyǵys Qazaqstannyń Tarbaǵataı, Saýyr jáne Shyńǵystaı taý bókterіndegі arheologııalyq eskertkіshterdі sáttі zerttedі. Ábdesh Tóleýbaev álemdіk deńgeıdegі jańalyqtarǵa ıelіk etedі. Ol altynnan myńdaǵan erekshe artefaktіlerdі – erte saq dáýіrіndegі ejelgі zergerlerdіń qoldanbaly ónerіn jınady. Men Ábdesh Táshkenuly Tóleýbaevtyń týystary men jaqyndaryna kóńіl aıtamyn. Onyń ardaqty esіmі máńgіlіk jadymyzda saqtalady», - dep jazdy, Danıal Ahmetov.