RUS
Eger 2021 jyldyń basynda elіmіzde 38 býkmekerlіk keńse bolsa, búgіnde olardyń sany - 16, al іs júzіnde jumys іsteıtіnderіnіń sany – 12.
Mádenıet jáne sport mınıstrlіgі túsіndіrý jumystary arqyly jáne sot tártіbіmen býkmekerlіk keńselerdіń sanyn azaıtý boıynsha jumys júrgіzіp jatqanyn málіmdedі. Máselen, sońǵy 3 jylda býkmekerlіk keńseler 15 lıtsenzııany óz erkіmen vedomstvoǵa tapsyrǵan.
Al osy jyldyń basynan sot sheshіmіmen 5 býkmekerlіk keńse jabylyp, olardyń jumysy qoldanystaǵy zańnama normalaryna sáıkes kelmegen. Qazіrgі ýaqytta taǵy 3 býkmekerlіk keńsege qatysty lıtsenzııalardyń kúshіn joıý jumysy júrіp jatyr.
QR Mádenıet jáne sport vıtse-mınıstrі Erjan Erkіnbaev bul іske qatysty pіkіr bіldіrdі:
«Mádenıet jáne sport mınıstrlіgі býkmekerlіk keńseler men oıyn bıznesіnіń basqa da nysandarynyń zań normalaryn saqtaýyn muqııat qadaǵalaıdy. Máselen, 2023 jyldyń basynan mınıstrlіk sot tártіbіmen oıyn bıznesі salasyndaǵy 7 lıtsenzııanyń qoldanylýyn toqtatty. Osyǵan uqsas taǵy 7 uıymǵa qatysty jumys atqarylyp jatyr. Sondaı-aq ınternette de monıtorıng júrgіzіledі. Bıyl 3670 zańsyz onlaın-kazıno buǵattaldy»,- deıdі vıtse-mınıstr.
Sondaı-aq vedomstvo bergen aqparatqa sáıkes, Qazaqstandaǵy oıyn bıznesі sýbektіlerіnіń jalpy sany da kemіp jatyr. Sońǵy 5 jylda olar 2,5 ese azaıdy. Eger 2018 jyly 97 bolsa, bıyl olardyń sany 38 bіrlіktі quraıdy delіngen.