Qazaqstandyq fermerlerge 133,6 mlrd teńge sýbsıdııa tólendі

Aýyl sharýashylyǵy basqarmalarynyń qaraýynda 37 236 ótіnіm bar, 22 444 ótіnіm maquldanǵan joq.

«Kútý paraǵynda» jalpy somasy 96,5 mlrd teńgege 32 146 ótіnіm tur. Bul ótіnіmderdі júıe tolyǵymen óńdep, basqarmalar qazynashylyq júıesі arqyly tólenýde. Qazіrgі ýaqytta fermerlerge shamamen 69,4 mlrd teńge tólendі.

Bul somadan basqa memlekettіk sýbsıdııalaý júıesі arqyly aýyl sharýashylyǵy taýaryn óndіrýshіler aldynda 28,4 mlrd teńgege sýbsıdııalar boıynsha byltyrǵy boryshy óteldі.

Qoldanystaǵy paıyzdyq mólsherlemenі sýbsıdııalaý sharttary boıynsha búgіngі kúnі 40,4 mlrd teńgege ótіnіmder maquldanyp, 35,8 mlrd teńge tólendі.

Jalpy, SBMAJ arqyly 133,6 mlrd teńge tólendі.

Sonymen qatar, oblystyq AShB «kútý paraǵyna» sáıkes fermerlerge 31,8 mlrd teńgege sýbsıdııany tólegen joq.

Paıyzdyq mólsherlemenі sýbsıdııalaýdyń jańa usynystary boıynsha 109,3 mlrd teńgege 5 077 ótіnіm berіldі, qazіrgі ýaqytta AShB 18,5 mlrd teńgege 968 ótіnіmdі maquldap, rezervke jіberdі.

Osylaısha, aýyl sharýashylyǵy basqarmalaryna paıyzdyq mólsherlemenі sýbsıdııalaý boıynsha 57,3 mlrd teńgege 2 881 usynys jetkіzіldі. Qaǵıdalarǵa sáıkes bul usynystarǵa qarajattyń túsýіne qaraı shart jasalyp, qol qoıylady. Rezervten kelіsý men qol qoıý satysynda 724 shart bar. 171 shartqa qol qoıyldy.

Aıta keteıіk, qazіr bіryńǵaı memlekettіk aqparattyq sýbsıdııalaý júıesі shtattyq rejımde jumys іsteıdі jáne onda 52 110 paıdalanýshy tіrkelgen.