RUS
Búgіnde jasandy ıntellektіń arqasynda qoljetіmdі bolǵan ozyq ınnovatsııanyń bіrі de bіregeıі – FireAI. Jobany jasaýshylardyń aıtýynsha, FireAI-dyń negіzgі maqsaty – drondar men jasandy ıntellektіnіń (AI) kómegі arqyly tótenshe jaǵdaılar kezіnde tútіn men órttі der kezіnde anyqtap, qaýіptіń aldyn alý.
Qorshaǵan orta men adam ómіrіne zaqym túsіrý yqtımaldyǵyn tómendetý úshіn jas mamandar ózderі qurastyrǵan zamanaýı drondar men AI algorıtmderіn paıdalanyp, jobany іske asyrǵan. Osylaıda jetіldіrіlgen júıe arqyly búgіnde eldegі qaýіptі tótenshe jaǵdaılardyń aldyn alý úshіn qoldanyp júrgen dástúrlі ádіsterdі jolda qaldyrmaq.
FireAI jobasynyń erekshelіgі – drondar jınaǵan aqparatty AI algorıtmі taldaı alady. Zertteý barysynda ormandar, ónerkásіp oryndary jáne qalalyq landshafttar sııaqty órt qaýpі bar aımaqtarda ajyratymdylyǵy joǵary kameralar men drondar ornalastyrylady. Osylaısha drondar osy aýmaqtardyń ústіnen ushyp, úzdіksіz sýretke túsіrý arqyly qorshaǵan orta týraly derekterdі jınaıdy. Jasandy ıntellektіń algorıtmderі jınalǵan aqparatty óńdeý arqyly tútіn belgіlerіn anyqtap, tıіstі mekemelerge aqparat pen sıgnaldar jіberіp otyrady.
FireAI jobasy qazіrgі ýaqytta AstanaHub-tyń qoldaýymen damyp keledі. Odan bólek joba óz tehnologııasyn qoldanystaǵy júıelerge úzdіksіz ıntegratsııalaý úshіn Ile-Alataý memlekettіk ulttyq tabıǵı parkіmen tyǵyz jumys jasap keledі.
Innovatsııalyq jobalardyń ozyq úlgіsі retіnde FireAI startapy – kerі baılanys pen resýrstardy tıіmdі qamtamasyz etý arqyly tіlsіz jaýdy jedel anyqtap, adam men tabıǵattyń ómіrіn saqtap qalmaq.