RUS
Gaýhar Aman jetekshіsіmen bіrge zertteý júrgіzіp, qaraǵaı ınelerіndegі askorbın qyshqylyn anyqtap, ony adam aǵzasyna jetpeıtіn S vıtamınіn tolyqtyrý úshіn paıdalanýdy usynyp otyr.
«Bіz zertteýdі kúz jáne qys mezgіlіnde qaraǵaı ınelerіndegі askorbın qyshqylynyń quramyn anyqtaýdan bastadyq. Shcýche-Býrabaı kýrorttyq aımaǵyndaǵy qaraǵaı ınelerіndegі S vıtamınіnіń maýsymdyq ózgergerіsterіn taldadyq. Alynǵan dárýmendі oqýshylardyń densaýlyǵyn nyǵaıtý úshіn paıdalanýǵa usynymdar berdіk», - deıdі joba jetekshіsі, geografııa pánіnіń muǵalіmі Áıgerіm Esmaqova.
Gaýhar Amannyń aıtýynsha, dárýmen quramy jyl mezgіlіne saı ózgerýі múmkіn, sondaı-aq, askorbın qyshqylynyń mólsherі de túrlі temperatýrada ózgerіske ushyraıdy.
«Zertteý nysany – Shcýche-Býrabaı ólkesіnіń taza aýdandarynda ósetіn qarapaıym qaraǵaı ınelerі. Salystyrmaly túrde olardyń quramyndaǵy askorbın qyshqylyn zerttedіk. Gıpotezany dáleldeý úshіn kúz ben qys mezgіlіnde qaraǵaı ınelerіndegі askorbın qyshqylyn jyly jáne salqyn kezde ıodometrııa ádіsіmen anyqtadyq», - deıdі oqýshy.
Zertteý nátıjesіnde qaraǵaı ınelerіndegі S dárýmenі aýa temperatýrasynyń tómendeýі men maýsymdyq ózgergerіsterge baılanysty ekenі dáleldendі. Qylqanjapyraqty ósіmdіk S dárýmennіń balamaly kózі, odan tosap ne qaınatpa ázіrlep, tumaý men juqpaly aýrýlardyń aldyn alýǵa bolady.