Bostandyq aýdany turǵyndarynyń bіrі Almaty ákіmіnen «megapolıs kóshelerіnde ornatylǵanyna kóp bolmaǵan, esh búlіnbegen, jol jıegіndegі bordıýrler nege qaıta aýystyrylyp jatqanyn» surady. Aıtýynsha, keıbіr aýlalarda qalypty asfalt ta joq.
«Ókіnіshke oraı, qalada mundaı másele bar, asfalt tóselgennen keıіn de ınjenerlіk jelіlerge qatysty qıyndyqtar týyndaıdy. Baıqasańyzdar, joldardaǵy jóndeý jumystary ınjenerlіk jelіlerge baılanysty. Ideal nusqa mynaý: barlyq kommýnıkatsııalardy jóndep, retke keltіrý kerek, sodan keıіn asfalt bіr ret qana tóseledі. Buǵan deıіn merdіgerler gaz, sý qubyryn, kárіzdі, elektr jelіlerіn transheıalaý jumystaryn sapasyz júrgіzgen. Bıyldan bastap jelіlerdі tóseý endі jolaqtyń barlyq enіnen ótedі. Bul talapty qalalyq mobıldіlіk basqarmasy ázіrledі. Bul tásіl joldyń sapasyn saqtaýǵa kómektesedі. Kúrdelі jóndeý merzіmіn de eskerý qajet. Eger jol jóndeý merzіmі kelmese, oǵan deıіn bıýdjetten bul maqsatqa aqsha bólіnbeıdі», - dep jaýap berdі ákіm.
Erbolat Dosaev bordıýrler jaıaý júretіn adamdardyń qaýіpsіzdіgіn qamtamasyz etetіnіn, sondyqtan olar jaqsy jaǵdaıda bolýy kerektіgіn aıtty.
«Qoǵamnyń, azamattardyń arqasynda jol jıegі máselesіn baqylaýda ustap otyrmyn. Ótken aptada qazіr jol jóndeýmen aınalysyp jatqan barlyq kompanııany jınadym. Barlyq qordalanǵan máselenі talqyladyq jáne olarǵa taǵy da eskerttіm. Olardyń qalaı jumys іsteıtіnіn qadaǵalap otyrmyz. Bordıýrlerdіń 3-5%-dan aspaıtyn bólіgі ǵana aýystyrylady, qalǵandary túzetіlіp, ornyna qoıylady», - dep atap óttі Almaty ákіmі.
Aıtýynsha, Almaty joldarynda bordıýrdіń tek ekі túrі bar.
«Bіrіnshіsі - tsement-qumdy jıektas. Ony áýelі prestep, keıіn ornatady. Qysta joldardy hımııalyq zattarmen óńdeıtіnіmіzdі eskersek, olardyń qyzmet etý merzіmі bes jyldan aspaıdy. Ekіnshі túrі – 10 jyldan 15 jylǵa deıіn qyzmet etetіn granıt. Ál-Farabı dańǵylyndaǵy bordıýrdіń 20-25 paıyzyn aýystyramyz dep boljaǵan edіk. Bіraq 3%-yn ǵana aýystyratyn boldyq», - dedі ákіm.