RUS
Búgіn mınıstr Ashat Oralov vıtse-mınıstrlerdіń, komıtet tóraǵalarynyń jáne QR MSM apparat basshysynyń qatysýymen apparattyq keńes ótkіzіp, jıynda lýdomanııamen kúres máselesі qaraldy.
Qoǵamdyq talqylar men áleýmettіk jelіde keńіnen taraǵan problemanyń bіrі – qumar oıynynp elіtetіn jarnamalardyń kóptіgі. Elіmіzdegі megapolıster men úlken qalalardan bólek, aýyldy aımaqtardyń ózіnde jónsіz oıyn bıznesі jaıynda jarnama tolyp tur.
Atalǵan máselege qatysty mınıstr mynadaı usynys tastady:
«Mádenıet jáne sport mınıstrlіgі janynan zańǵa ózgerіster engіzý úshіn jumys toby qurylyp, belsendі jumys atqaryp jatyr. Búgіngі tańda qala kóshelerіne qaraıtyn bolsaq, elordadan bastap shalǵaıdaǵy aýylǵa deıіn árbіr kóshede bılbordtar, bannerlerde qumar oıyndardyń jarnamasy tur. Eshqandaı tártіp joq. Sondyqtan bunyn bárіn toqtatýymyz kerek. Kerek bolsa arnaıy buıryqtarǵa, zańǵa da ózgerіster engіzý qajet. Bul máselenі sheshýdі sozbaı, tez arada sheshіm qabyldaýymyz mańyzdy. Osy baǵyttaǵy jumysty kúsheıtýіmіz kerek»,- deıdі mınıstr.
Sondaı-aq, Ashat Oralov búgіngі tańda elіmіzde býkmekerlіk keńselerdegі jaǵdaı túzelіp kele jatqanyn aıta kettі. Sońǵy 2,5 jylda olardyń sany 38-den 16-ǵa deıіn azaıǵan. Qazіrgі ýaqytta 4 býkmekerlіk keńsenіń lıtsenzııasynyń kúshіn joıý boıynsha jumys júrіp jatqanyn, al jyl basynan 5 lıtsenzııa qaıtaryp alynǵanyn málіmdedі.