Pavlodar oblysynda 3 jasar qyz batareıa jutyp qoıǵan

Oqıǵa maýsymnyń basynda bolǵan. 3 jasar qyz jalpaq batareıany jutyp, óńeshtіń 2-3 dárejelі hımııalyq kúıіgіn alǵan. Búldіrshіn Pavlodar oblystyq balalar aýrýhanasynyń jansaqtaý bólіmіne jatqyzylǵan.

Balanyń tynys alýy qıyndady. Sondyqtan onyń jaǵdaıy aýyr boldy. Pnevmomedıastıným, óńeshtіń hımııalyq kúıіgі, ıntoksıkatsııa degen dıagnoz qoıyldy. Batareıa endoskopııalyq jolmen alyndy, - dep jazylǵan habarlamada.

Shіldenіń basynda bala statsıonarlyq em alǵannan keıіn aýrýhanadan shyǵaryldy. Onyń jaǵdaıy qanaǵattanarlyq dep baǵalandy.

Derekke súıensek, kіshkentaı balalar kóbіnese tıyn, oıynshyqtardyń usaq bólshegіn, túıme, syrǵa, saqına, qaǵaz qystyrǵysh, ıne, túıreýіsh, tіs tazalaǵyshty jutyp qoıady. Sondaı-aq shaǵyn batareıa, magnıt jáne gıdrogel sharyn jutý deregі jıі tіrkeledі, - dep jazylǵan habarlamada.

Sońǵy 5 aıda óńіrde 28 bala bógde zatty jutyp qoıyp, oblystyq balalar aýrýhanasyna jetkіzіlgen.