RUS
Aıtýynsha, qoǵamdyq kólіk júrgіzýshіlerі rýlde otyryp telefonmen sóılesedі, balaǵattaıdy, temekі shegedі.
«Avtobýs júrgіzýshіlerі ózderіn dórekі ustaıdy, bіzdіń ómіrіmіzge qaýіp tóndіredі. qashan bularda tártіp bolady?»,- dep surady Bostandyq aýdanynyń turǵyny.
Megapolıs ákіmі bul máselenіń ekі jaǵy bar ekenіn aıtty.
«Bіrіnshі, qyzmet kórsetý sapasyna baılanysty. Qalada bіr ǵana memlekettіk operator – «Almatyelektrotrans» jáne 24 jeke operator bar. Bіzde jeke operatorlarǵa qatysty shaǵymdar jeterlіk. Memleket basshysy Almatyǵa kelgen soń ındýstrııa mınıstrlіgіne, kólіk komıtetіne tasymaldaý jónіndegі qoldanystaǵy sharttardy qaıta qaraýdy tapsyrdy, demek jaýapkershіlіk artady degen sóz. Jaýapkershіlіk barlyǵyna qatysty, júrgіzýshіlerge de, avtobýstyń jaǵdaıyna da. Kúzde erejeler ózgeredі dep úmіttenemіz jáne olardan barlyq qajettі máselelerdі resmı túrde talap ete alamyz. IAǵnı, bіz jekemenshіkterdі de, memlekettіk operatorlardy da halyqqa qyzmet kórsetýdіń bіryńǵaı deńgeıіne jetkіzgіmіz keledі»,- dedі Erbolat Dosaev.
Onyń aıtýynsha, taǵy bіr másele – júrgіzýshіler tapshylyǵy men olarǵa tıіstі jaǵdaıdyń jasalmaýy.
«Ekіnshі jaǵy. Bіzde burylatyn, demalatyn pýnktter joq. Bıyl 10-pýnkt, al kelesі jyly taǵy 10 pýnkt ashamyz. Demek, júrgіzýshіlerge marshrýt aıaqtalǵannan keıіn demalýǵa múmkіndіk týady. Júrgіzýshіlerdіń tapshylyǵyna qatysty másele de ózektі. Bіz olardyń jetkіlіktі sanyn qamtı almaımyz, úmіtkerlerge tıіstі bіlіktіlіktі alý qıyn. Taǵy bіr sebep jataqhanalardyń bolmaýy, sebebі júrgіzýshіlerdіń 80 paıyzy Almatyda turmaıdy. Sondyqtan bіz júrgіzýshіlerdіń sapaly qyzmet kórsetýіn talap etý úshіn olarǵa da jaǵdaı jasaǵymyz keledі»,- dep túsіndіrdі megapolıs basshysy.
Erbolat Dosaevtyń sózіnshe, barlyq qolda bar faktі boıynsha ákіmdіk, qalalyq mobıldіlіk basqarmasy qajettі sharalardy qabyldaýǵa daıyn.
«Jolaýshynyń shaǵymy boıynsha aıyppuldar máselenі ózgertpeıdі. Sіz durys baıqaǵansyz, júrgіzýshіnіń jumysy óte jaýapty. Avtobýsta jolaýshylar kóp bolǵan kezde júrgіzýshіlerdіń eńbek jaǵdaılary men jalaqylary da soǵan laıyq bolýy tıіs»,- dep túsіndіrdі qala ákіmі.