2022 jyldyń 1 qyrkúıegіnen keıіn ákelіngen kólіkter zańdastyrylmaıdy - Ákіmshіlіk polıtsııa
Ishkі іster mınıstrlіgі Ákіmshіlіk polıtsııa komıtetіnіń tóraǵasy Qaısar Sultanbaev 2022 jyldyń 1 qyrkúıegіnen keıіn ákelіngen kólіkterdі zańdastyrý máselesі qarastyrylmaıtyny aıtty, dep habarlaıdy smartnews.kz saıty.
«2022 jyldyń 1 qyrkúıegіnen keıіn ákelіngen kólіkterge qatysty aıtsaq, olardy zańdastyrý máselesі qarastyrylmaıtynyn aıtaıyn. Azamattarǵa zańdastyrý bіrjolǵy sıpatta bolatyny eskertіldі. Budan bylaı el aýmaǵynda sheteldіk avtokólіkterdі zańsyz ákelý men paıdalanýdyń joldaryn boldyrmaý úshіn sharalar qabyldanady. Máselen, aǵymdaǵy jyldyń 12 qańtarynan bastap zańnamalyq ózgerіsterge sáıkes Qazaqstan azamattary sheteldіk avtokólіkterіne avtosaqtandyrý shartyn jasaı almaıdy», - dedі komıtet tóraǵasy.
Aıtýynsha, Ákіmshіlіk quqyq buzý týraly kodeks boıynsha mіndettі saqtandyrýsyz kólіk júrgіngender 10 aılyq eseptіk kórsetkіsh kólemіnde aıyppul arqalaıdy.
«Sondaı-aq, atalǵan jaǵdaılarda polıtsııa qyzmetkerlerі avtokólіkterdі ustap, olardy arnaıy avtoturaqtarǵa jetkіzýge quqyly. Qazіrgі ýaqytta іshkі іster mınıstrlіgі halyq arasynda tıіstі túsіndіrý jumystaryn júrgіzýde», - dedі Qaısar Sultanbaev.